काठमाडौं, १६ जेठ २०७८ । कानुन व्यवसायीले लगातार दुईजना न्यायाधीशको सहभागितालाई लिएर इजलासमा प्रश्न उठाएपछि महान्यायाधिवक्ता रमेश बडाल कड्किएका छन् ।
महान्यायाधिवक्ता बडाल कानुन व्यवसायीहरुले सीमा नाघेको भन्दै के गर्नुपर्छ भन्नेबारेमा आफूलाई जानकारी भएको भन्दै चेतावनीसमेत दिए ।
‘वरिष्ठ अधिवक्ताले मिडिया मुभमेन्ट गर्नुपर्छ भन्नुभयो, निर्णय गर्नुभयो, वरिष्ठहरु मिडिया परिचालित गर्दै हुनुहुन्छ । म नेपाल राज्यको महान्यायाधिवक्तामात्रै होइन, बार काउन्सिलको अध्यक्ष पनि हो ।,’ बडालले भने, ‘महान्यायाधिवक्ताले भन्न पाउँदैनस् भन्ने ? मैले सहेको छु । सीमा नाघियो । म काउन्सिलको अध्यक्षको हैसियतमा वरिष्ठदेखि अधिवक्ताहरुलाई के गर्नुपर्छ मैले जानेको छु ।’








































