काठमाडौँ, शुक्रबार, ७ जेठ २०७८ । नेकपा (एमाले) का वरिष्ठ नेता माधवकुमार नेपाल र जनता समाजवादी पार्टी (जसपा) का अध्यक्ष उपेन्द्र यादवले राष्ट्रपति विद्यादेवी भण्डारीसमक्ष आफ्नो हस्ताक्षरको दुरुपयोग भएको बताएका छन् ।
‘हामीले ७६(५) अनुसार आएका छौं । प्रधानमन्त्रीको दाबी कसरी सही हुन सक्छ ? ७६(५) अन्तर्गत सांसदहरुले प्रयोग गर्न पाउने अधिकारअनुसार हामीले हस्ताक्षर गरेका छौं,’ नेपालको भनाइ उद्र्धत गर्दै एक नेताले जानकारी दिए ।
शुक्रबार दिउँसो १४९ जना सांसदको हस्ताक्षरसहित नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्डसहित शीतल निवास पुगेका नेपाल र यादवले संविधानको धारा ७६(५) अनुसार सांसदको अधिकार प्रयोग गरेर हस्ताक्षरसहित आफूहरु आएको भन्दै केपी शर्मा ओलीको दाबी सही नभएको बताएका हुन् ।








































