काठमाडौं, ५ बैशाख २०७८ । नेकपा एमालेको नवौं महाधिवेशनबाट अनुशासन आयोगको अध्यक्ष अमृतकुमार बोहोराले सोमबारका लागि बोलाएको महाधिवेशन आयोजक कमिटीको बैठक रोक्न आग्रह गरेका छन् ।
आइतबार वक्तव्य जारी गर्दै पार्टी अध्यक्ष केपी शर्मा ओलीले डाकेको बैठक रोक्न आग्रह गरेका हुन् ।
‘अहिले बिग्रिरहेको स्थितिलाई सुधार गर्न विविध उपायहरु खोज्नुपर्नेमा उल्टै २०७८ बैशाख ६ गते आयोजक कमिटीको बैठक भनेर स्थितिलाई थप असहज बनाउने काम गरिँदैछ । यसलाई तत्काल रोक्नुपर्दछ ।’वक्तव्यमा उल्लेख छ ।
उत्तेजना, आवेश र अभिमान हावी भएर कुनै पनि निर्णय गर्न नहुने बोहराले उल्लेख गरेका छन् ।









































