गोरखा, ५ बैशाख २०७८ । गोरखा जिल्लामा कोरोनाका दोश्रो लहर देखा परेको छ ।
गोरखामा शुक्रबार ३ जना कोरोना पोजेटिभ भएका छन् ।
स्वास्थ्य कार्यालय गोरखाले दिएको जानकारी अनुसार गोरखा नगरपालिका ११ का सेन्ट जोसेफ विद्यालयमा कार्यरत एक कर्मचारी र उनको परिवारका २ सदस्यलाई कोरोना संक्रमण भएको हो ।
चैत २७ गते एक्कासी बिरामी परेपछि उपचारका लागि जिल्ला अस्पताल आएका उनलाई थप उपचारका लागि काठमाण्डौ पठाइएको थियो । काठमाण्डौमा गरिएको स्वाव परीक्षणमा ती कर्मचारी कोरोना पोजेटिभ भएका हुन ।
उनको उपचारमा सहयोग गरेका अन्य दुई जना पनि स्वाब परीक्षण पछि संक्रमित भएका छन् ।
जिल्लामा कोरोना संक्रमित भेटिएसँगै पुनः संक्रमण फैलने त्रास बढेको छ । छिमेकी मुलुक भारत र देशका विभिन्न ठाउँबाट जिल्ला आएकाहरु परीक्षण बिनै समाजमा घुलमिल हुने भएकाले संक्रमण तिब्र रुपले फैलन सक्ने विज्ञहरु बताउँछन् ।








































