काठमाडौं, आइतबार, २३ फागुन २०७७ । अशिम युवा क्लबको आयोजनामा चैत महिनाको पहिलो साता प्रथम सराङ्गे छहारी भलिबल कप पुरुष भलिबल प्रतियोगिता हुने भएको छ ।
उक्त भलिबल प्रतियोगिताको शुभारम्भ नेपाली कांग्रेसका केन्द्रिय सदस्य तथा युवा नेता गगन थापाको प्रमुख अतिथ्यतामा हुने भएको छ ।
अशिम युवा कल्बका अध्यक्ष लोक बिक्रम मल्लका अनुसार हालसम्म १० टिमले नाम खेलाईसकेको र नाम लेखाउने क्रम अझै बढिरहेको बताउनु भयो ।
भलिबल प्रतियोगितामा प्रथम हुनेलाई एक लाख एक हजार एक सय एघार रुपैयाँका साथै कप, मेडल र प्रमाणपत्रले सम्मान गरिनेछ ।
त्यसैगरी द्वितिय हुने प्रतियोगीलाई एकसट्ठी हजार एक सय एघार रुपैयाँ सहित कप, मेडल र प्रमाणपत्रले समान गरिनेछ ।
साथै तृतीय हुने प्रतियोगीलाई एकतीस हजार एक सय एघार रुपैयाँसहित कप, मेडल र प्रमाणपत्रले सम्मानित गरिने आयोजकले जनाएको छ ।
प्रतियोगीताका लागि टिम दर्ता चैत्र ३ गतेसम्म ७ हजार रुपैयाँ तिरेर दर्ता समेत गर्न सकिनेछ ।









































