बागलुङ, मंगलबार, ४ फागुन २०७७ । अन्तराष्ट्रिय बागलुङ समाजले बागलुङमा भलिबल प्रतियोगिता गर्ने भएको छ ।
हालै समाजको दोश्रो बैठकबाट कोषाध्यक्ष सिद्धार्थ श्रेष्ठ संयोजक रहने गरी बागलुङ जिल्लामा रहेका १० स्थानीय तहमा “अन्तर पालिका “भलिबल प्रतियोगिताको गर्ने निर्णय गरिएको हो ।
यसरी भलिबल खेल राख्नुको प्रमुख उद्देश्यमा बाग्लुङ जिल्ला भलिबल खेलमा निकै अब्बल साबित भएता पनि अहिले बिगतको तुलनामा केही कमजोर भएको होकी भन्ने महसूस गरेर पनि बाग्लुङ जिल्लामा खेलाडीहरूलाई प्रोत्साहन र खेलकुदको प्रवर्द्धन गर्न समेत आयोजना गरिएको समाजका अध्यक्ष एकराज गिरीले बताउनु भयो ।
त्यसैगरी, हरेक बर्ष बिभिन्न खेलकुद वा अन्य खेलहरूबाट मनोरन्जन गरिने भएको र अहिलेलाई सम्पुर्ण भलिबल खेलाडीलाई आफ्नो तयारीमा जुट्न भलिबल खेलकुद समितिका संयोजक सिद्धार्थ श्रेष्ठले अपिल गर्नु भएको छ ।
स्मरण रहोस, बागलुङ भलिबल खेलमा राष्ट्रिय तथा अन्तर्राष्ट्रिय स्तरमा राम्रो खेलाडी उत्पादन गर्ने जिल्लामा पर्दछ ।









































