काठमाडौँ, शुक्रबार, २ माघ २०७७ । प्रधानमन्त्री कप आज शुक्रबारदेखि सुरु भएको छ ।
राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एक दिवसीय राष्ट्रिय प्रतियोगिता आजदेखि काठमाडौंमा सुरु भएको हो । प्रतियोगिता माघ २ गतेबाट सुरु भएर फाइनल खेल माघ १७ गते खेलाइने आयोजकले जनाएको छ ।
प्रतियोगिताको उद्घाटन खेलमा विभागीय टोलि त्रिभुवन आर्मी क्लब र गण्डकी प्रदेशले प्रतिस्पर्धा गर्नेछन् । खेल नेपाली समय बिहान ९ बजे त्रि बि मैदान किर्तिपुरमा सुरु हुनेछ । खेलको याक्सन स्पोर्ट्सले प्रत्यक्ष प्रशारण गर्नेछ ।
समूह ‘ए’ मा आर्मी, एपीएफ, प्रदेश १, गण्डकी प्रदेश र कर्णाली प्रदेश तथा समूह ‘बी’ मा पुलिस, प्रदेश २, वाग्मती प्रदेश, लुम्बिनी प्रदेश र सुदूर प्रदेश रहेका छन् । समूहका शीर्ष दुई टोली सेमिफाइनल पुग्नेछन् । सेमिफाइनल माघ १४ र १५ मा तथा फाइनल माघ १७ मा हुनेछ । नकआउट चरणका सबै खेल कीर्तिपुरमा हुनेछन् ।
शुक्रबार आर्मी र गण्डकी प्रदेशका बीच खेल हुनेछ । दुई वर्षअघि पुलिसले आर्मीलाई फाइनलमा ४ विकेटले पराजित गरी उपाधि जितेको थियो । शनिबार एपीएफ र प्रदेश १ का बीच कीर्तिपुर मैदानमा खेल हुनेछ । तेस्रो दिनका खेलहरू मूलपानी मैदानमा पनि आयोजना हुनेछ । माघ ४ गते कीर्तिपुरमा पुलिस र वाग्मती तथा मूलपानीमा आर्मी र कर्णालीका बीच खेल हुनेछ ।








































