धादिङ, शनिबार, २९ कात्तिक २०७७ । धादिङ जिल्लामा तिहारको देउसी-भैलो खेल्न प्रतिबन्ध लगाइएको छ ।
जिल्ला कोभिड-१९ संकट व्यवस्थापन केन्द्रका अध्यक्ष तथा प्रमुख जिल्ला अधिकारी पुण्यविक्रम पौडेलको अध्यक्षतामा शुक्रबार बसेको बैठकले दिपावली मनाउने सन्दर्भमा देउसी-भैलो नखेल्न जिल्लावासीलाई आग्रह गरेको छ ।
बैठकले चाडपर्वहरु मनाउने सन्दर्भमा एकाघर परिवारमा वसिरहेका सदस्यहरु बाहेक नाता कुटुम्ब तथा छरछिमेकीहरु भेला नहुने, जुवा तास र मादक पदार्थ सेवन गरी हुल हुज्जत र होहल्ला साथै पटका पड्काउने कार्य गर्न/गराउन नपाइने, बजार व्यवसाय संचालन गर्दा जनस्वास्थ्य र सुरक्षाका मापदण्ड पूरा गरी संचालन गर्नुपर्ने, मेला‚ पर्व‚ जात्रा‚ महोत्सव कन्सर्ट जस्ता भीडभाड हुने कार्य नगर्न आग्रह गरेको छ ।








































