काठमाडौं, शुक्रबार, २ असोज २०७७ । कोरोना महामारीको कारण लामो समय रोकिएको श्रम स्वीकृति पुनः दिन सुरु गरिएको छ । मन्त्रिपरिषद्को गत भदौ १५ गतेको बैठकले वैदेशिक रोजगारीमा जाने नयाँ कामदारका लागि श्रम स्वीकृति प्रदान गर्ने निर्णय गरेको थियो ।
कोरोना भाइरसको महामारीको कारण करिब चार महिनादेखि रोकिएको पुनः श्रम स्वीकृति भने असार १८ बिहीबारदेखि खुला गरिएको थियो । मन्त्रिपरिषद्को निणयपछि ६७ नेपालीले श्रम स्वीकृति लिएको वैदेशिक रोजगार कार्यालय ताहाचलले जनाएको छ ।
वैदेशिक रोजगार ऐनको दफा २७ ले वैदेशिक रोजगारमा जाने कामदारले वैदेशिक रोजगारीमा जानुअघि अनुमतिप्राप्त संस्थाबाट तालिम लिनुपर्ने व्यवस्था गरेको छ । उक्त वैदेशिक रोजगार ऐनअनुसार अभिमुखीकरण तालिम नलिएको कामदारको अन्तिम श्रम स्वीकृति हुँदैन ।
सरकारले वैदेशिक रोजगारमा जाने कामदारको श्रम स्वीकृति खुला गरे पनि अभिमुखीकरण तालिम सञ्चालन नहुँदा अन्तिम श्रम स्वीकृति नपाउने हुँदा उनीहरु रोजगारीका लागि अन्य देशमा जना पाउने छैनन् ।








































