एजेन्सी, आइतबार, ३२ साउन २०७७ । म्यान्चेष्टर सिटी च्याम्पियन्स लिग फुटबल प्रतियोगिताबाट बाहिरिएको छ । गएराति पार्चुगलको लिस्वनमा भएको क्वार्टरफाईनलको खेलमा फ्रान्सेली क्लब लियोनसंग ३–१ ले पराजित हुँदै सिटी प्रतियोगिताबाट बाहिरिएको हो ।
खेलको २४ औं मिनेटमा म्यासवेल कोर्नेटको गोलमा लियोनले सुरुवाती अग्रता दिलाएका थिए ।
केभिन डी ब्रुईनले ६९ औ मिनेटमा सिटीका लागि बराबरी गोल फर्काए । बैकल्पिक खेलाडीको रुपमा मैदान छिरेका डेम्बेलेले खेल सकिन ११ मिनेट अघि लियोनलाई २–१ ले अघि बढाए । ८७ औँ मिनेटमा डेम्बेलेले ब्यक्तिगत दोस्रो गोल गर्दै लियोनको जित सुनिश्चित गरे ।
लियोनले अब सेमिफाईनलमा जमर्न क्लब बायर्न म्युनिखसंग प्रतिस्पर्धा गर्नेछ ।









































