Opens in a new tab
२०८३ मंसिर ५, शुक्रबार
१:३१:३९ दिउँसो
- ADVERTISEMENT -

बुधबारसम्म अत्यधिक वर्षा हुने : सर्तकता अपनाउन आग्रह

प्रकाशित मिति: २०७७ साउन ५, सोमबार

564
Shares

काठमाडौँ, आइतबार, ५ साउन २०७७ । बुधबारसम्म काठमाडौँ उपत्यका आसपासका क्षेत्रहरूमा अत्यधिक वर्षा हुने भएकाले सर्तकता अपनाउन जल तथा मौसम विज्ञान विभागले अनुरोध गरेको छ ।

‘आईतबारदेखि बुधबारसम्म अत्यधिक वर्षा हुने हामीले पूर्वसूचनासमेत दिएका छौँ’ जल तथा मौसम विज्ञान विभागका वरिष्ठ मौसमविद् राजु प्रधानाङ्गले बताउनुुभयो ।

उहाँले काठमाडौँ तथा आसपासको क्षेत्रमा अत्यधिक वर्षासँगै राम्रो निकासको अभावमा डुबानको समस्या देखिएको बताउनुभयो । यो वर्षाको कारणले मात्रै नभएर शहरमा पानीको निकास जाने ठाउँको अभावको कारणले समस्या देखिएको उहाँले बताउनुभयो ।

मौसम पूर्वानुमान महाशाखा, जल तथा मौसम विज्ञान विभागले आगामी २४ घन्टामा पनि देशका धेरै स्थानमा हल्का, मध्यम वर्षा तथा भारी हुने जानकारी दिएको छ । यो क्रम बुधबारसम्म निरन्तर रुपमा चल्ने प्रधानाङ्गले बताउनुभयो ।

प्रदेश १, प्रदेश २, बाग्मती प्रदेश, गण्डकी प्रदेशका केही स्थानका साथै प्रदेश ५, सुदूरपश्चिम प्रदेश र कर्णाली प्रदेशका थोरै स्थानमा आगामी २४ घण्टा भारी वर्षाको समेत सम्भावना रहेकाले सो क्षेत्रमा बस्ने स्थानीयलाई सुरक्षित रहन उहाँले अनुरोध समेत गर्नुभयो ।

नदीमा पानीको बहाव बढ्ने, पहाडी क्षेत्रमा भूक्षय हुने, पहिरो जाने, सडक तथा हवाई यातायात प्रभावित हुने तथा ढल र पानीको राम्रो निकास नभएको ठाउँमा डुबानसमेत हुनसक्ने सम्भावना रहेकाले आवश्यक सतर्कता अपनाउन विभागले सबैसँग अनुरोध गरेको छ । विभागका अनुसार, हाल मनसुनी न्यूनचापीय रेखा नेपालतिर सरेको अवस्था भएकाले खतरा बढेको जनाएको छ ।

२४ घन्टामा तीनको मृत्यु

नेपालका विभिन्न जिल्लाहरूमा २४ घन्टाको बीचमा तीन जनाको ज्यान गएको छ । यो समयमा १२ स्थानमा पहिरो, चार स्थानमा अविरल वर्षा, दुइ स्थानमा बाढी र एक स्थानमा आगलागीसमेत भएकाे छ । यो समयमा तीन जनाको मृत्यु, एक जना बेपत्ता र १२ स्थानमा सडक अवरुद्ध भएका छन् ।

कास्कीको घारेढुङ्गामा अत्यधिक वर्षा

राष्ट्रिय विपद् जोखिम न्यूूनीकरण तथा व्यवस्थापन प्राधिकरणले देशका २२२ वटा वर्षा मापन केन्द्रमा वर्षाको मापन गरिएको छ । केन्द्रहरूमा मापन गरिएकोमध्ये सबैभन्दा धेरै कास्की जिल्लाको घारेढुङ्गामा १६९ मिलिमिटर वर्षाको मापन गरिएको छ ।

बर्सादको समयमा एक सय मिलिलिटरभन्दा धेरै वर्षा भयो भने भारी वर्षा भएको मानिनेछ । २४ घन्टामा मापन गरिएको वर्षा अनुसार तीन ओटा केन्द्रमा १५० मि.मी.भन्दा धेरै २३ वटा केन्द्रमा एक सयभन्दा मि.मीभदा धेरै ८७ केन्द्रमा ५० मि.मीभन्दा धेरै र १३१ केन्द्रमा २५ मि.मी.बढी र १५६ वटा केन्द्रमा १० मि.मी.भन्दा बढी वर्षा मापन गरिएको हो ।

नदीमा आकस्मिक बहाव बढ्नसक्ने

सोमबार नारायणी नदी तथा त्यसका सहायक नदीहरूमा पानीको बहाव उच्च विन्दुमा पुगेका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार नेपालका अधिकांश नदीहरूमा बहाव बढेर खतराको सङ्केत वरपर पुग्ने आकलन गरिएको छ ।

पाँचथर, इलाम, झापा, मोरङ, सुनसरी, धनकुुटा, उदयपुुर, सप्तरी, सिरहा धनुुषासँगै प्रदेश नंम्बर २ सबै जिल्लाहरूमा भारी वर्षा हुने सम्भावना रहेको छ ।
काठमाडाैँ उपत्यका मकवानपुर, सिन्धुली, सिन्धुपाल्चोक, काभ्रेपलाञ्चोक, दोलखा, रामेछाप,नुवाकोट, धादिङ, रसुवा, गोरखा, लमजुङ, तनहुँमा भारी वर्षा हुने सम्भावना रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।

यी जिल्लाहरूमा रहेका साना नदीहरूमा पानीको बहाव उच्च विन्दुमा पुुग्ने भएकाले सर्तक रहन आवश्यक रहेको प्राधिकरणले जनाएको छ ।

मनसुन सुरु भएको एक महिनामा १३१ को मृत्यु

असार १ देखि भदौ ३० गतेसम्मलाई मनसुन मानिन्छ । यो समयमा बाढी, पहिरो र चट्याङको कारण ठूलो जन धन क्षति हुने गरेको छ । असार १ देखि साउन ४ गतेसम्ममा नेपालमा बाढी, पहिरो र चट्याङको कारण १३१ जनाले ज्यान गुमाएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले सोमबार जारी गरेको बुलेटिनमा उल्लेख छ ।

सबैभन्दा धेरै पहिरोको कारणले ज्यान गएको छ । यो एक महिनाको समयमा पहिरोमा पुरिएर १११ जनाको ज्यान गएको छ । पहिरोमा पुरिएर अझै ४३ जना बेपत्ता भएका छन् । त्यस्तै पहिरोमा पुरिएर ८७ जना गम्भीर घाइते भएका छन् ।

एक महिनाको समयमा बाढी बगाउँदा तीन जनाको ज्यान गएको छ । बाढीमा परेर पाँच जना अझै बेपत्ता भएका छन् भने एक जना गम्भीर घाइते भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणको बुलेटिनमा उल्लेख छ । एक महिना नै चट्याङ लागेर १७ जनाको ज्यान गएको छ भने ४२ जना घाइते भएको प्राधिकरणको बुलेटिनमा उल्लेख छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
148.97
149.57
EUR
European Euro
1
163.78
164.44
GBP
UK Pound Sterling
1
195.89
196.68
CHF
Swiss Franc
1
176.81
177.52
AUD
Australian Dollar
1
99.91
100.32
CAD
Canadian Dollar
1
104.13
104.55
SGD
Singapore Dollar
1
115.53
116.00
JPY
Japanese Yen
10
9.32
9.35
CNY
Chinese Yuan
1
22.34
22.43
SAR
Saudi Arabian Riyal
1
39.71
39.87
QAR
Qatari Riyal
1
40.87
41.03
THB
Thai Baht
1
4.40
4.41
AED
UAE Dirham
1
40.56
40.73
MYR
Malaysian Ringgit
1
36.22
36.37
KRW
South Korean Won
100
11.20
11.25
SEK
Swedish Kroner
1
14.68
14.74
DKK
Danish Kroner
1
21.91
22.00
HKD
Hong Kong Dollar
1
18.99
19.07
KWD
Kuwaity Dinar
1
482.10
484.05
BHD
Bahrain Dinar
1
394.88
396.47
OMR
Omani Rial
1
386.93
388.49
- ADVERTISEMENT -