काठमाडौँ, मंगलबार, २ असार २०७७ । नेपालमा आज (मंगलबार) थप ३ सय ८० जनामा कोरोना भाइरसको संक्रमण देखिएको छ । योसँगै कुल सङ्क्रमितको संख्या ६ हजार ५ सय ९१ जना पुगेका स्वास्थ्य तथा जनसङ्ख्या मन्त्रालयले पुष्टि गरेको छ।
नियमित पत्रकार सम्मेलनमा मन्त्रालयका प्रवक्ता प्रा.डा जागेश्वर गौतमले देशको विभिन्न प्रयोगशालामा गरिएको परीक्षणमा पछिल्लो २४ घण्टामा थप ३ सय ८० जनाका सङ्क्रमण पुष्टि भएको जानकारी दिए ।
अहिलेसम्म ७३ जिल्लाका मानिसमा सङ्क्रमण देखिएको छ । हालसम्म नेपालमा ११५८ जना निको भएका छन् भने १९ जनाको मृत्यु भएको छ।








































