एजेन्सी, १५ चैत २०७६ । विश्वभर कोरोनाभाइरस सङ्क्रमणका कारण २७हजार ३४३ जनाको मृत्यु भैसकेको छ । विश्वभर ५ लाख ९६ हजार ३४९ व्यक्ति सङ्क्रमित भैसकेका छन् । कोरोना भाइरसका कारण सबैभन्दा बढी व्यक्तिको मृत्यु इटलीमा ९ हजार १३३, स्पेनमा ५ हजार १३८, चीनमा ३ हजार २९५, इरानमा २ हजार ३७८, फ्रान्समा १ हजार ९९५ र अमेरिकामा १ हजार ६९५ जनाको मृत्यु भएको छ ।
केही समयसम्म सङ्क्रमितको दर चीन तथा यूरोपेली मुलुकमा बढी रहँदै आएकोमा बिहीबारदेखि सबैभन्दा बढी सङ्क्रमितको सङ्ख्या अमेरिकामा देखिएको छ । अमेरिकामा १, लाख ४ हजार १२६, चीनमा ८१ हजार ३९४, इटलीमा ८६ हजार ४९८, स्पेनमा ६५ हजार ७१९, जर्मनीमा ५० हजार ८७१, इरानमा ३२ हजार ३३२ र फ्रान्समा ३२ हजार ९६४ व्यक्तिमा कोरोना भाइरसको सङ्क्रमण पुष्टि भएको वल्डोभिटरर्सडट इन्फोलमा उल्लेख गरेको छ ।
दक्षिण एशियाली मुलुकहरूमा पाकिस्तानमा सबैभन्दा बढी १ हजार ३७३ जना कोभिड–१९का कारण सङ्क्रमित भएका छन् भने ११ जनाको मृत्यु भएको छ । भारतमा ८८७ जनामा सङ्क्रमण पुष्टि भएको छ भने २० जनाको मृत्यु भएको छ ।
श्रीलङ्कामा १०६ व्यक्तिमा सङ्क्रमण, अफगानिस्तानमा ११० व्यक्तिमा सङ्क्रमण १० जनाको मृत्यु, मालदिभ्समा १४ जनामा सङ्क्रमण, नेपाल र भूटानमा तीन जना सङ्क्रमण र नेपालमा ४ जनामा संक्रमण देखिएको छ भने जसमा १ जना निको भएर घर फर्किसकेका छन् ।
विश्व स्वास्थ्य सङ्गठनले यसलाई ‘विश्वव्यापी महामारी’को सङ्ज्ञा दिएको छ। चीनबाट सुरु भएको कोभिड–१९ अर्थात् नयाँ कोरोनाभाइरसको सङ्क्रमण नियन्त्रण गर्न सबै देशले विभिन्न उपाय अपनाएका छन्। तर उक्त सङ्क्रमण र त्यसबाट हुने मृत्यु रोकिएको छैन। अहिले चीनमा सङ्क्रमणको दर घटेको छ भने युरोप महामारीको केन्द्रबिन्दु बनेको छ ।








































