काठमाण्डौँ, १८ फागुन २०७६ । कोरोना भाइरसको संक्रमण आशंकामा अस्पतालमा तिनजना युवा भर्ना भएका छन् ।
चीन र दक्षिण कोरियाबाट फर्केका दुई जना नेपाली र एक जनाचिनियाँ नागरिकअस्पताल भर्ना भएका हुन्।
उनीहरुलाई टेकुस्थित शहीद शुक्रराज ट्रपिकल तथा सरुवा रोग अस्पतालको आइसोलेसन वार्डमा राखिएको छ ।
अस्पतालमा राखिएका तीनै जना पुरुष हुन्। दुई महिनाअघि चीनबाट सुरु भएको कोरोना भाइरस अहिले विश्वका ६० भन्दा बढी देशमा फैलिइसकेको छ। दक्षिण कोरिया, इरान र इटालीजस्ता देशहरुमा पनि मानिसको मृत्यु भएपछि विश्व स्वास्थ्य संगठनले उच्च सतर्कता अपनाउन आह्वान गरेको छ।








































