चितवन, २५ पौष २०७६ । चितवनमा ट्याङकरको ठक्करबाट गम्भिर घाइते भएका एक जनाको गएराति मृत्यु भएको छ ।
बिहिबार सांझ पूर्वी चितवनको राप्ती नगरपालिका ६ हर्दीमा मोटरसाइकललाई ट्याङकरले ठक्कर दिंदा मोटरसाइकलमा सवार दुई जना गम्भिर घाइते भएका थिए ।
पश्मिमबाट पूर्वतर्फ जांदै गरेको प्रदेश नं ३०२००५ प ४३४७ नम्बरको मोटरसाइकललाई सोही दिशाबाट आँउदै गरेको ना ७ ख ४६६० नम्बरको ट्याङकरले ठक्कर दिएको थियो ।
ठक्करबाट गम्भिर घाइते भएका गोरखा भिमसेन थापा गाँउपालिका ४ बस्ने ३५ वर्षिय इन्द्र बहादुर तामाङको साँझ नै चितवन मेडिकल कलेजमा उपचारका क्रममा मृत्यु भएको थियो भने अर्का एकजना सोही मोटरसाइकलको पछाडी सवार सोही टाँउका २५ वर्षिय सुगम तामाङको चितवन मेडिकल कलेजमै उपचार भइरहेको थियो । उनको पनि गएराती ११ः३५ बजेको समयमा उपचारका क्रममा मृत्यु भएको जिल्ला प्रहरी कार्यालय चितवनले जानकारी दिएको छ ।
