Opens in a new tab
२०८३ मंसिर ६, शनिबार
७:५३:२२ बिहान
- ADVERTISEMENT -

पुरुष क्रिकेट विधामा भुटानमाथि १४१ रनको विशाल अन्तरले जित

प्रकाशित मिति: २०७६ मंसिर १९, बिहीबार

596
Shares

काठमाडौं, मङ्सिर १९ गते । नेपालले तेह्रौं दक्षिण एसियाली खेलकुद साग अन्तगर्त पुरुष क्रिकेट विधामा भुटानमाथि १४१ रनको विशाल अन्तरले जित हात पारेको छ । श्रीलङ्का विरुद्धको पहिलो खेलमा हार बेहोरेको नेपालले दोस्रो खेलमा जित हात पार्दै प्रतियोगितामा वापसी गरेको छ ।

त्रिविस्थित कीर्तिपुर क्रिकेट ग्राउन्डमा नेपालले प्रस्तुत गरेको २ सय ३७ रनको विशाल लक्ष्य पछ्याउँदै भुटान पुरै २० ओभर खेलेपनि ६ विकेटको क्षतिमा ९५ रन मात्रै जोडन सक्यो । भुटानका लागि रञ्जुङ्ग मिक्यो दोर्जीले सर्वाधिक २७ रन बनाउनुभयो । सोनम टोब्गेले १५ तथा टोब्देन सिंग्येले ११ रनको योगदान दिनुभयो । अपेक्षाकृत कमजोर स्पर्धि भुटानले नेपाली बलिङ्ग आक्रमण समक्ष सम्हालिएको प्रदर्शन गर्दै पुरा २० ओभर खेल्न भने सफल भयो ।

नेपालका लागि पारस खडकाले सर्वाधिक दुई विकेट लिनुभयो । पवन सर्राफ, करण केसी, ललितनारायण राजवंशीले सामान एक एक विकेट लिनुभयो । राशिद खान र सुशन भारी भने विकेट हात पार्न सक्नुभएन ।

यसअघि टस हारेर पहिला ब्याटिङ्ग गर्ने निम्ता पाएको नेपालले कप्तान ज्ञानेन्द्र मल्लको विष्फोटक शतकीय पारीमा मात्र तीन विकेटको क्षतिमा २३६ रनको विशाल योगफल तयार गर्न सफल भयो । टी ट्वान्टी अन्तर्राष्ट्रियमा नेपालको अहिलेसम्मकै उच्च योगफल हो । भुटान विरुद्धको खेलमा नेपालले तयार गरेको योगफलले नेपालको ब्याटिङ्ग ‘स्ट्रेन्थ’ पनि देखियो ।

मल्लले मात्र ५५ बलको सामना गर्दै पाँच चौका र ९ छक्काको सहयोगमा १०७ रन बनाउनुभयो । मल्लको यो पहिलो टी ट्वान्टी शतक हो । यसअघि २१ टी ट्वान्टी अन्तर्राष्ट्रिय खेल्नुभएका मल्लको सर्वाधिक ब्यक्तिगत् योगफल ५१ रन रहेको थियो ।

पछिल्लो खेलहरुमा नेपालको कमजोरी बन्दै आएको ओपनिङ्ग साझेदारीमा पनि भुटान विरुद्धको खेलमा उत्कृष्ट देखियो । खडकाले कप्तान मल्लसँग पहिलो विकेटको लागि १०८ रनको उत्कृष्ट साझेदारी गर्नुभयो । टी ट्वान्टी अन्तर्राष्ट्रियमा नेपालको पहिलो विकेटको लागि यो सबैभन्दा ठूलो साझेदारी हो । खडकाले २८ बलमा ९ चौका र एक छक्काको सहयोगले ५७ रन बनाएर पेभेलियन फर्किनुअघि नेपालले ९ औं ओभरमा १०८ रनको योगफल जोडिसकेको थियो । खडकाको यो चौथो टी ट्वान्टी अद्र्धशतक हो । उहाँको ब्यक्तिगत् उच्च योगफल १०६ रन रहेको छ ।

रोहित पौडेल मात्र ६ रनको योगफलमा पेभेलियन फर्किएपनि कप्तान मल्ललाई दिपेन्द्र सिंह ऐरीले सघाउँदै तेस्रो विकेटका लागि ८० रनको साझेदारी गर्नुभयो । ऐरीले २७ बलमा चार चौका र २ छक्काको सहयोगमा अविजित रहँदै ४५ रन बनाउनुभयो । आरिफ शेष चार रनमा अविजित रहनुभयो ।

भुटानका लागि तोब्देन सिङ्गेले सर्वाधिक एक विकेट लिनुभयो । यद्दपी उहाँ महँगो साबित हुनुभयो । चार ओभरमा उहाँले ५३ रन खर्चिनुभयो । कर्मा दोर्जीले चार ओभरमा ४५ रन खर्चेर सर्वाधिक दुई विकेट लिनुभयो ।

जितसँगै नेपालले अङ्क तालिकामा दुई अङ्क जोडेको छ । नेपाल अङ्कतालिकाको शिर्ष स्थानमा रहेको छ । पहिलो खेलमा श्रीलङ्काबाट हार बेहोरेको नेपालले अब माल्दिभ्ससँगै बङ्गलादेशलाई जिते सहजरुपमा फाइनलमा प्रवेश पाउनेछ । श्रीलङ्काले भने दुई खेलमध्ये दुबैमा जित हात पारेर चार अङ्क जोड्दै शिर्ष स्थानमा रहेको छ । बङ्गलादेशले एक खेल खेलेकोमा जित हात पार्दै दुई अङ्कसहित दोस्रो स्थानमा छन् ।

 

 

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -