काठमाडौँ, ३० असोज २०७६ । भोटिङ मेसिनले काम नगरेपछि गैर आवासीय नेपाली संघ (एनआरएनए) को ९ औं विश्व सम्मेलन तथा अन्तर्राष्ट्रिय महाधिवेशनमा नयाँ नेतृत्वको लागि भएको मतदान स्थगित भएको छ । मतदान स्थगित भएपछि मतदान स्थलमा नाराबाजी भएको छ ।
निर्वाचन कार्यसमितिले प्रविधिमा समस्या आएको भन्दै ९:३० बजे निर्वाचन स्थगित भएको सूचना निकालेको छ । निर्वाचन समितिद्वारा जारी सूचनामा निर्वाचन बिहिबार बिहान १० बजेसम्म स्थगित गरिएको उल्लेख छ ।
एनआरएनएको अध्यक्ष पदमा कुमार पन्त र कुल आचार्य चुनावी मैदानमा उत्रिएका छन् । महाधिवेशनमा ४१ पदका लागि ७५ जनाले मनोनयन दर्ता गराएका छन् ।
निर्वाचन कमिटीका सदस्य पाण्डेका अनुसार ४ उपाध्यक्षका लागि ९ जनाले मनोनयन दर्ता गराएका छन् ।









































