काठमाडौँ, १४ असोज २०७६ । पदबाट राजीनामा दिएलगत्तै संघीय संसदको सभामुख कृष्णबहादुर महरामाथि लागेको आरोपको सम्बन्धमा प्रहरीले छानबिन शुरु गरेको छ ।
घटना सम्बन्धमा प्रहरीले घटना स्थल भनिएको ठाउँको मुचुल्का तयार पार्ने लगायतको काम शुरु गरेको हो । महराले पदबाट राजीनामा दिएलगत्तै प्रहरीले प्राविधिक अनुसन्धान सुरु हो ।
प्रहरीले घटनास्थलमा फेला परेका सबै प्रमाणलाई नियन्त्रणमा लिएर प्राविधिक अनुसन्धान थालेको प्रहरी स्रोतले जनाएको छ ।
प्रहरीले घटनास्थलबाट रक्सीको बोतल, फुटेको चस्माको सिसा, जुत्ताको तलुवा लगायत सामग्री बरामद गरेको प्रहरी स्रोतले जनाएको छ ।








































