गोरखा, २६ भाद्र २०७६ ।लिगलिगकोट–सिरानचोक–गोरखा दरबार म्याराथुन दौड २०७६ गोरखाका भिमबहादुर गुरुङ्गले जित्न सफल हुनु भएको छ ।
गोरखा नगरपालिका, पालुङटार नगरपालिका, सिरानचोक गाउँपालिका र गोरखामा रहेको नेपाली सेनाको रणसिंह दल गणले आयोजना गरेको मिलेर दौड सञ्चालन गरिएको थियो ।
नेपाल भ्रमण वर्ष २०२० का साथै जिल्ला भित्रको ऐतिहासिक र धार्मिक पर्यटकीय स्थलको प्रचार प्रसारका लागि भएको दौडमा गोरखा आरुघाट गाउँपालिका थुमीका गुरुङ्ग प्रथम हुन सपल भएको हो ।
ऐतिहासिक लिगलिगकोटदेखि आँपपिपल, हर्मी, थुम्की, चित्रेपोखरी, छोप्राक, चोरकाटे, छेवेटार, मान्द्रे ढुङ्गा, हिलेपोखरी, पस्लाङ्ग, ठुलो आँगन, सतिपिपल, गैरीकुवा हुदै गोरखा दरर्बार सम्मको ४२ किलो मिटर दौड गरिएको थियो ।
त्यसैगरी, रुकुमका दुर्गा बुढा दोस्रो हुन सफल हुनु भएको हो । त्यस्तै गरी नेपाली सेनाको राजबहादुर गणका सबिन तामाङ्ग तेस्रो हुन सफल हुनु भएको थियो भने तनहुका सुरेन्द्र चापागाई चौथो हुन सफल हुनु भएको थियो ।
प्रथम हुने गुृरुङ्गले निधारीत दुरी ३ घण्टा १७ः०३ मिनेटमा पारेका थिए भने दोस्रो हुने बुढाले ३ घण्टा १७ः४५ मिनेटमा दुरी पार गर्नु भएको थियो ।
द्रव्य शाहले राज्याभिषेक गरेको वि।सं। १६१६ साल भदौ २५ गतेको सम्झनामा दौडको आयोजना गरीएको हो । गोरखा राज्य स्थापना भएको सम्झनामा ‘उत्पतिदेखि जगसम्म’ भन्ने नाराका साथ बुधबार बिहान १ सय १४ जना धावकले दौडमा सहभागीता जनाउनु भएको थियो ।
दौडमा पहिलो गुरुङ्गलाई १ लाख ५० हजार नगद सहित मेडल र प्रमाण पत्र प्रदान गरीएको छ । त्यस्तै गरी दोस्रो हुने बुढालाई १ लाख नगद सहित प्रमाण पत्र र मेडल प्रदान गरीएको थियो । त्यस्तै गरी दौडमा तेस्रो र चौथो हुने तामाङ्ग र चापागाई लाई क्रमश।७५ हजार र ५० हजार नगद सहित प्रमाण पत्र र मेडल प्रदान गरीएको थियो ।
दौडमा सहभागी भएर १० औं स्थान सम्म हुनेलाई समेत नगद पुरस्कारको ब्यवस्था गरिएको थियो ।









































