काठमाडौं, १० असार २०७६ । नेत्र विक्रम चन्द विप्लव नेतृत्वको नेकपाले आह्वान गरेको बन्दको प्रभाव काठमाडौं उपत्यकामा सामान्य छ ।
सवारी साधन बिहानै देखि सडकमा गुडिरहेका छन् । चोक-चोकमा सुरक्षकर्मी परिचलन गरिएको छ । उपत्यकाका शैक्षिक संस्थाहरु बन्द गरिएका छन् ।
आफ्ना नेताको हत्याको विरोधमा नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले गरेको बन्दका कारण जनजीवन प्रभावित भएको छ । काठमाडौं उपत्यकामा भने बन्दको प्रभाव तुलनात्मक रुपमा कम परेको छ ।
कैलालीको गौरीगंगा नगरपालिकाको कार्यालयको टाइम बम विस्फोट गरिएको छ । कपिलवस्तुको शिवराज नगरपालिका–५ समिति चोकस्थित पूर्व पश्चिम राजमार्गदेखि चन्द्रौटादेखि गोरुसिङ्गे सडक खण्डमा वम विस्फोट भएको छ । प्रहरीका अनुसार चितवन रामपुरस्थित सहिद बहुमुखि क्याम्पसको जंगलमा सिलिण्डर वम विस्फोट भएको छ ।
कहा के भयो हेर्नुहोस विवरण
