काठमाडौं, १६ जेठ २०७६ । अर्ब ५२ करोड ८१ लाख ५१ हजार ७ सय ९२ रुपैयाँबराबरको कारोबार भए पनि कारोबार मापन नेप्से परिसूचक आज ५ दशमलव ५८ बिन्दुले मात्रै उकालो लागेको छ ।
बैंकिङ १० दशमलव ५९, अन्य दुई दशमलव शून्य सात, जीवन बिमा ९ दशमलव ५४ र सामूहिक लगानी कोष शून्य दशमलव शून्य सात बिन्दुले बढेको छ ।
अर्थमन्त्री डा. युवराज खतिवडाले बुधबार आगामी आर्थिक वर्षको बजेटमा शेयर बजारलाई सम्बोधन गर्ने केही नीतिगत व्यवस्था गरे पनि शेयर बजारमा भने त्यसको सामान्य प्रभाव परेको छ ।
नेपाल स्टक एक्स्चेञ्जका अनुसार कारोबार मापक नेप्से परिसूचक ५ दशमलव ५८ बिन्दुले बढेर एक हजार ३१९ दशमलव ४७ अंकमा पुगेको छ ।
नेपाल बैंक लिमिटेड रु. १६ करोड ६१ लाख ३४ हजार ६३८, प्रभु बैंक रु. १० करोड ९९ लाख २१ हजार ६३३ र माथिल्लो तामाकोसी जलविद्युत् कम्पनी रु. नौ करोड २२ लाख ९५ हजार १४४ मूल्यमा खरिद–बिक्री भई शीर्ष स्थानमा रहेका छन ।
यस्तै ठूला कम्पनीको शेयर कारोबार मापन गर्ने सेन्सेटिभ परिसूचक एक दशमलव २३ बढेको छ । आज कुल १७४ कम्पनीको ४८ लाख ९४ हजार ६८१ कित्ता शेयर कारोबार भए । स्टकका अनुसार कारोबार भएका कुल ११ उपसमूहमध्ये चार उपसमूहको मात्रै शेयर उकालो लागेको छ ।
स्टकका अनुसार हिमालयन ऊर्जा विकास कम्पनी नौ दशमलव ५९, रैराङ हाइड्रोपावर कम्पनी आठ दशमलव ३३, एनआईसी एसिया ग्रोथ फन्ड छ दशमलव ४१, ग्रिन डेभलपमेन्ट बैंकका शेयरधनीले पाँच दशमलव ९८ प्रतिशतले कमाए । त्यस्तै, पाँचथर पावर कम्पनी नौ दशमलव ९४, नेसनल माइक्रोफाइनान्स पाँच दशमलव शून्य पाँच, कन्काई विकास बैंक चार दशमलव ७० र वेस्ट फाइनान्सका शेयरधनीले चार दशमलव ६२ प्रतिशतले गुमायो ।
यस्तै, होटेल १८ दशमलव ५४, विकास बैंक चार दशमलव ४४, जलविद्युत् ५ दशमलव २९, वित्त शून्य दशमलव शून्य नौ, निर्जीवन बिमा ६ दशमलव ७९, उत्पादन २४ दशमलव ३५ र लघुवित्त एक दशमलव ७८ बिन्दुले घटेको छ ।
कारोबारका आधारमा आज शिवम् सिमेन्टको रु. १७ करोड १९ लाख ६५ हजार १४९ मा कारोबार भयो ।
