काठमाडौं, ९ जेठ २०७६ । सिटी एक्सप्रेस मनि ट्रान्सफर र राष्ट्रिय वाणिज्य बैंक बिच रेमिट्यान्स सेवा सुरु भएको छ ।
सम्झौता पश्चात् सिटी एक्सप्रेस मनी ट्रान्सफरबाट आउने सम्पूर्ण विदेशी तथा स्वदेशी रेमिट्यान्स, राष्ट्रिय बाणिज्य बैंकको सम्पूर्ण शाखाबाट सहज रुपले ग्राहकले प्राप्त गर्न सक्नेछन् ।
सम्झौता पत्रमा राष्ट्रिय वाणिज्य बैंकको तर्फबाट कोष (टे«जरी) प्रमुख सरस्वती अधिकारी र सिटी एक्सप्रेसको तर्फबाट प्रबन्ध निर्देशक चन्द्र टन्डनले हस्ताक्षर गरेका छन् ।
सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउँदै बिगत १२ वर्षदेखि बिश्वभरी आफ्नो रेमिट एजेन्टबाट ७ हजार भन्दाबढी नेपालको एजेन्ट मार्फत भुक्तानी प्रदान गर्दै आइरहेको छ ।
