के पि भट्ट कनेटिकेट (अमेरिका) अप्रिल १९ । गैर आवासीय नेपाली संघ (एनआरएनए) अमेरिकाको आसन्न निर्वाचनका लागी बोर्ड अफ डाइरेक्टरमा बिशाल रानाले उम्मेद्वारी दर्ता गराएका छन् ।
अमेरिकाको मेरिल्याण्डमा बस्ने रानाले युवाहरुको प्रतिनिधीत्व गर्दै एनआरएनए अमेरिकाको आगामी कार्यकालका लागी बोर्ड अफ डाइरेक्टरमा उम्मेद्वारी दाखिला गरेको स्पष्ट पार्नु भयो ।
नेपालको तनहुंमा जन्मिएर नवलपरासीमा हुर्किएका राना नेपालमा रहंदा पनि युवाहरुमा सामाजिक व्यक्तित्वको रुपमा परिचित थिए ।
अमेरिकामा पनि युवा पुस्तालाई अगाडी बढाउन पर्छ भन्ने मान्यताका साथ आफुले उम्मेद्वारी दिएको उहाँले बताउनु भयो । प्रवासमा सबैभन्दा बढि युवा बिद्यार्थीहरुका समस्या व्यापक रहेकोले संस्थागत रुपमा उनीहरुका समस्या समाधानका लागी पहल गर्न पनि आफ्नो उम्मेद्वारी रहेको उनको भनाई छ ।
युवाहरुको नेतृत्व गर्दै आफुले बोर्ड अफ डाइरेक्टरमा उम्मेद्वारी दर्ता गरेकोले सबै गैर आवासीय नेपाली संघ अमेरिकाका सदस्यहरुको साथ र सहयोग रहेने बिश्वास समेत उनले व्यक्त गर्नुभयो ।
