काठमाण्डौँ, फागुन २१ । रसियन कल्चर सेन्टरमा भएको कार्यक्रममा क्रिकेटर अफ् द इयरको पुरुषतर्फको अवार्ड सन्दीप लामिछानेले जितेका छन् ।
यो अवार्ड नेपाल क्रिकेट खेलाडी संघ र एनसीसीएले प्रदान गरेको हो। यो सँगै वर्षको उत्कृष्ट पुरुष खेलाडीको उपाधि सन्दीप लामिछानेले जितेका हुन् ।
सन्दीपले मनोनयनमा रहेका दिपेन्द्र ऐरी, करण केसी, सोमपाल कामी, पारस खड्कालाई पनि पछि पारे । पछिल्लो एक वर्षमा सन्दीप घरेलु मात्र होइन अन्तराष्ट्रिय फ्रेन्चाइजी लिगमा पनि तहल्का मच्चाएका छन् ।
त्यस्तै वर्षको उत्कृष्ट महिला क्रिकेटको उपाधि सिता राना मगरले जितेकी छिन् । उनले मनोनयनमा परेका इन्दु बर्मा, करुणा भण्डारी, रुबिना क्षेत्री र सरिता मगरलाई पछि पारिन् ।
