काठमाडौं, फागुन १०

आईसीसी महिला विश्वकप छनोट एसिया क्षेत्रअन्तर्गत नेपालले यूएईलाई ४१ रनमा अलआउट गरेको छ । नेपाली बलरले उत्कृष्ठ प्रर्दशन गरेपछि युएई ४१ रनमै समेटिएको हो ।

टस जितेर ब्याटिङ रोजेको यूएई १७.३ ओभरमा सबै विकेट गुमाउँदै मात्र ४१ रन जोड्न सक्यो । मध्यक्रममा चमानी सेनेविरत्नाले १३ रन जोड्नुबाहेक अन्य ब्याट्सम्यानले दोहोरो रन बनाउन सकेनन् । नेपालका लागि नेरी थापामगरले ३.३ ओभर बलिङ गर्दै १ मेडनसहित ६ रन खर्चेर ४ विकेट लिइन् । सिता रानामगरले ४ ओभरमा १ मेडनसहित ७ रन खर्चेर २ विकेट लिइन् । सोनु खड्का र कविता कुँवरले पनि २÷२ विकेट बाँडे ।

पहिलो खेलमा मलेसियालाई पराजित गरेको नेपालले दोस्रो खेलमा आयोजक थाईल्यान्डसँग फराकिलो हार बेहोरेको थियो । एक टोली मात्र अर्को चरणमा पुग्ने यस प्रतियोगितामा नेपालले अर्को चरण पुग्ने सम्भावना जीवित राख्न अन्य खेलको नतिजामा पनि भर पर्नुपर्ने हुन्छ ।

जानकारीको लागी तल फोटोमा किल्क गर्नु होला ,सुमेघ ट्राभल्स्