एजेन्सी, ९ फागुन २०७५ । बंग्लादेशको राजधानि ढाकामा विहिवार विहानै भवनमा भिषण आगो लाग्दा कम्तिमा ६९ जनाको मुत्यु भएको छ । यो आगो राजधानि ढाकाको चौकबजारको संकरे इलाकामा लागेको हो । यो इलाका धेरै नै गहन छ जहाँ बसोबास तथा कमर्शियल पसलहरु र रेस्टुरेन्ट धेरै मात्रामा रहेका छन् ।
बंग्लादेशका फायर सर्भिस प्रमुख अलि अहमदले भने “अहिलेसम्म हामिले ६९ शव फेला पारेका छौ, शवको संख्या बढ्न सक्नेछ । शवको खोजीसँगै राहत तथा बचाउ कार्य जारी रहेको छ ।”
उनका अनुसार ग्यास सिलिण्डरमा विस्फोटका कारण भिषण आगो लागेको हो भने अति प्रज्जवलनशिल रसायन पदार्थ राखिएको ठाउँमा आगो लाग्दा आगोले उग्र रुप लिएको हो । हेर्दा हेर्दे आगो यति भिषण भयो कि त्यसले नजिकका चार वटा भवनमा प्रवेश गर्यो र भवन जल्यो । अग्नी नियन्त्रक अधिकारीले बताए अनुसार घटनामा घाइते हुनेहरुमा धेरैजसो महिला र बच्चाहरु छन् । घाइतेहरुलाई नजिकैको अस्पतालमा भर्ना गरिएको छ ।
खबर अनुसार, इलाका घना तथा सडक जाम हुदा भाग्न नसकि आगोमा परेर धेरैले ज्यान गुमाए । अग्नी नियन्त्रकका अनुसार मर्नेको संख्या अझ बढ्न सक्ने बताएको छ ।
ढाका मेडिकल कलेजका अनुसार ४५ जनाको स्थित धेरै नै गम्भिर रहेको बताइएको छ । यसअघि २०१० मा ढाकामा एउटा पुरानो भवनमा आगो लाग्दा १२० जनाले आफनो ज्यान गुमाएका थिए ।
