बाँके, माघ २०
बर्दिया राष्ट्रिय निकुञ्जभित्र सवैका लागि टाइमकार्ड लागूभएको छ । निकुञ्ज प्रशासनले मन्त्रीदेखि प्रमुख जिल्ला अधिकारी, प्रहरी प्रमुखलगायत ठूला उच्च ओहोदाका व्यक्तिले प्रयोग गर्ने सवारी साधनसमेत जाँच शुरु गरेको हो ।
बर्दिया निकुञ्जभित्र सवारी साधनको ठक्करबाट वन्यजन्तु मर्ने घटना बढेपछि नियन्त्रणका लागि प्रशासनले टाइमकार्ड लागू गरेको जनाएको छ । निकुञ्जको प्रवेश बिन्दुमा दिइने कार्डमा उल्लेख समयभित्र अर्को सुरक्षा पोष्टमा पुग्नुपर्छ, समयमा तलमाथि भए जरिवाना तिर्नुपर्छ ।
प्रमुख संरक्षण अधिकृत अणनाथ बरालले निकुञ्जक्षेत्र भित्र केही घटना भई हालेमा दोषी नउम्कियोस् र गति सीमित गराउन यस्तो नियम लागू गरिएको बताउनुभयो । पछिल्लो समय निकुञ्जभित्र सवारी साधनको ठक्करबाट बन्यजन्तु मर्ने घटना निकै बढेको छ ।
