काठमाडौं, पौष १ गते । नेपालका महेश्वर महर्जनले १०औं विश्व शारीरिक सुगठन तथा फिजिक स्पोट्र्स च्याम्पियनसिपको पुरुष ७५ केजीमा स्वर्ण जितेका छन् । थाइल्यान्डको चाङमईमा शनिवार भएको खेलमा उनले चार प्रतिष्पर्धीलाई पछि पार्दै स्वर्ण पदक जितेका हुन् ।
१२ खेलाडी सहभागी उक्त स्पर्धामा भारत दोश्रो र सिंगापुर तेश्रो भएको थियो । सो प्रतिष्पर्धामा थाइल्याण्ड र उज्वेकिस्तानका खेलाडीले पनि प्रतिष्पर्धा गरेका थिए । केही समय अगाडी नेपाल ब्यायम मन्दिरले गरेको धर्मश्री प्रतियोगितामा भने महर्जन दोस्रो भएका थिए । सो प्रतियोगिता विजयी मिलन सिजापति भएको थियो ।
धर्मश्री विजेता नै यस प्रतियोगितामा जाने चलन भएपनि सिजापति जान नमानेपछि महेशले नेपालको प्रतिनिधित्व गर्दै गएका हुन् । उनि ढल्कुस्थित सेप्स टू फिटनेस सेन्टरका खेलाडी हुन् ।
