काठमाडौं, प्रदेश न. ५ मा यही मंसिरबाट हुने भनिएको आठौं राष्ट्रिय खेलकुद महोत्सव निर्धारित समयमा नुहने पक्का भएको छ । पर्याप्त भैतिक पूर्वाधार र तयारी नपुेकाका कारण नेपालको सबैभन्दा ठुलो खेल महोत्सव निर्धारित समयमा नहुने पक्का भएको छ ।
नुवाकोटको ककनीमा मंगलबार सम्पन्न राखेपको १ सय १०औं बोर्ड बैठकमा नयाँ मितिबारे छलफल भए पनि यही समयमा गर्ने भनेर निर्णय नभएको बताएका हुन् तर माघको अन्तिम साता गर्ने विषयमा छलफल भएको थियो । दुई वर्षअघि पूर्वाञ्चलमा सम्पन्न सातौं राष्ट्रिय खेलकुद प्रतियोगिताको समापन समारोहमा मध्यपश्चिमले आठौं संम्करण गर्ने जिम्मेवारी बहन गरेको थियो ।
राखेप बोर्ड बैठकमा नयाँ खेलकुद ऐन, एसियाली खेलकुद प्रतियोगिताको समीक्षा तथा १३ औं सागको तयारीबारे पनि छलफल भएको बताइएको छ । फागुन २५ बाट हुने भनिएको १३औं दक्षिण एसियाली खेलकुद (साग) पनि समयमै हुनेमा शंका उत्पन्न भएको छ ।
निर्धारित समय भन्दा एकवर्ष ढिला गरी हुन लागेको साग पनि भैतिक पूर्वाधारका कारण फागुनमै हुनेमा शंका छ । नेपालको तयारीलाई मध्यनजर गर्दै श्रीलंकाले आफुलाई आयोजनाको जिम्मेवारी दिन दबाब दिइरहेको छ ।
