काठमाडौँ, १४ भदौ, २०७५ । बहुपक्षीय आर्थिक तथा प्राविधिक सहयोगका लागि बंगालको खाडीको प्रयास विमस्टेकको चौथो सम्मेलनमा सहभागी हुनका लागि भारतीय प्रधानमन्त्री नरेन्द्र मोदी काठमाडौँ आईपुगेका छन् ।
एयर इन्डियाकाे विमानमार्फत त्रिभुवन अन्तर्राष्ट्रिय विमानस्थलमा अवतरण गरेका मोदीलाई रक्षा मन्त्री ईश्वर पोखरेलल, परराष्ट्र मन्त्रालयका अधिकारीलगायतले स्वागत गरेका थिए ।
मोदीलाई नेपाली सेनाको एक टोलीले सम्मान गारत अर्पण गरेको छ। मोदीको सुरक्षालाई लिएर उनको आगमन हुने समय भन्दा १५ मिनेट अगावै त्रिभुवन अन्तर्राष्ट्रिय विमानस्थलमा सबै उडान तथा अवतरण बन्द गरिएको थियो। विभिन्न देशका राष्ट्रप्रमुखहरु नेपाल आउने क्रम जारी रहेकोले काठमाडौं उपत्यकाको सुरक्षा व्यवस्था कडा बनाइएको छ ।
मोदी विमानस्थलबाट सोझै सम्मेलन स्थल हाेटल साेल्टी जानेछन् । यसअघि मोदीले आजै पशुपतिनाथमा पूजाअर्चना गर्ने बताइए पनि यो भोलिका लागि सारिएको छ ।सम्मेलनमा सहभागिताका लागि सदस्य राष्ट्रका प्रमुख तथा प्रधानमन्त्री आउने क्रम जारी छ ।
