७ जेठ, काठमाडौं । त्रिभुवन अन्तर्राष्ट्रिय विमानस्थल सोमबारबाट थप साढे २ घण्टा गरेर दैनिक २१ घण्टा सञ्चालनमा आउने भएको छ ।नेपालको एकमात्र त्रिभुवन अन्तर्राष्ट्रिय विमानस्थल भएकाले एयर ट्राफिक कम गर्न भन्दै सरकारले विमानस्थल संचालन समयावधि थप गरेको छ ।
पर्यटन मन्त्री रविन्द्र अधिकारीले एक सय दिने कार्ययोजना सार्वजनिक गर्दै दैनिक २१ घण्टा विमानस्थल सञ्चालन गर्न निर्देशन दिएका थिए । उनको निर्देशनअनुसार अन्तर्राष्ट्रिय विमानस्थल पहिलोपटक २१ घण्टा सञ्चालनमा ल्याउन सुरु भएको हाे ।
दैनिक २१ घण्टा विमानस्थल सञ्चालन हुँदा उडान अवतरणको चाप घट्ने र आकाशमै जहाजलाई ‘होल्ड’ गर्नुपर्ने समस्या समाधान हुने विश्वास छ । विमानस्थलका महाप्रबन्धक राजकुमार क्षेत्रीका अनुसार, ‘हिजोसम्म साढे १२ बजेसम्म सञ्चालन हुँदै आएको विमानस्थल आजबाट बिहान ६ बजेदेखि अर्को दिन बिहान तीन बजेसम्म सञ्चालन हुन्छ ।
