- ADVERTISEMENT -
https://rbb.com.np
- ADVERTISEMENT -

मोदी अाज जनकपुर अाउँदै, मोदीलाई हेर्न सर्वसाधारणको भिड ।

May 11, 2018
1391
Shares
- ADVERTISEMENT -

२८ वैशाख, जनकपुर ।  भारतीय प्रधानमन्त्री नरेन्द्र मोदी आज जनकपुर आउँदैछन् । मोदीको जनकपुरधाम भ्रमणलाई दृष्टिगत गरी प्रदेश २ सरकारले सार्वजनिक बिदाको घोषणा गरेको छ । भारतीय प्रधानमन्त्री नरेन्द्र मोदीलाई दिइने नागरिक अभिनन्दनका लागि स्थानीयहरु जुट्ने क्रम जारी छ। जनकपुरस्थित १२ विघा मैदानमा स्थानीयहरुको घुइँचो लागेको छ। १२ विघा मैदानमा आसपास जिल्लाका मानिसहरु पनि जम्मा भएका छन्। यता जानकी मन्दिरमा पनि पूजाकाे सम्पूर्ण तयारी पूरा भएकाे जनाइएकाे छ। अहिले मन्दिर परिसरमा मानिसहरूकाे भीड लागेकाे छ।

 

- ADVERTISEMENT -

Advertisement

मोदी पटनाबाट भारतीय वायुसेनाका हेलिकोप्टरबाट सीधै जनकपुर विमानस्थलमा करिब सवा १० बजे अाउने कार्यक्रम छ । उनलाई रक्षामन्त्री ईश्वर पोखरेल र प्रदेश २ का मुख्यमन्त्री लालबाबु राउतले विमानस्थलमा स्वागत गर्नेछन् । जानकी मन्दिरमा  प्रधानमन्त्री केपी शर्मा ओलीले मोदीलाई स्वागत गर्नेछन् ।जानकी मन्दिरमा शंखनाद गरेर मोदीको भव्य स्वागत गर्ने कार्यक्रम रहेको छ । जानकी मन्दिर क्षेत्रमा करिब ४५ मिनेट बिताउने मोदी र ओलीले जनकपुरबाट अयोध्या चल्ने बसको शुभारम्भ गर्ने कार्यक्रम पनि रहेको छ । त्यसलगत्तै बाह्रबिघा रंगभूमि मैदानमा हुने नागरिक अभिनन्दन समारोहमा मोदी सहभागी हुनेछन् । मोदीको स्वागतमा जनकपुरलाई विशेषरुपले सिंगारिएको छ । सडकलाई कालोपत्रे गरिएको छ भने बिभिन्न स्थानमा मोदीको फोटोसहितका स्वागतद्वार बनाइएको छ । जानकी मन्दिरदेखि बाह्रबिघासम्मको सडकको दुवैतर्फको पर्खालमा रामायणकालीन आख्यानलाई मिथिला कलामार्फत प्रस्तुत गरिएको छ ।

मोदीको आगमनलाई मध्यनजर गर्दै जनकपुरको सुरक्षा व्यवस्था कडा पारिएको छ । मोदीले पूजा गर्ने जानकी मन्दिरमा बिहीबार दिउँसोदेखि नै सर्वसाधारणको प्रवेश रोक लगाइएको थियो ।  मोदीको सुरक्षाका लागि करिब १० हजार प्रहरी परिचालन गरिएको छ । जनकपुरबाट काठमाडौं हुँदै मुक्तिनाथ गएर मोदी शनिबार दिउँसो ४ बजे स्वदेश फर्किने कार्यक्रम छ ।

- ADVERTISEMENT -

Advertisement

 

- ADVERTISEMENT -
- ADVERTISEMENT -
- ADVERTISEMENT -
www.simpaninews.com