Opens in a new tab
२०८३ मंसिर ६, शनिबार
१०:१०:४९ बिहान
- ADVERTISEMENT -

गण्डकी प्रदेशको नीति तथा कार्यक्रमः कोरोना नियन्त्रणदेखि पूर्वाधार विकासमा जोड

प्रकाशित मिति: २०७८ जेठ ३१, सोमबार

365
Shares

पोखरा, सोमबार, ३१ जेठ २०७८ । गण्डकी प्रदेशसभाको आजको बैठकमा गण्डकी प्रदेश सरकारको आर्थिक वर्ष २०७८/०७९ को नीति तथा कार्यक्रम प्रस्तुत भएको छ ।

बैठकमा नीति तथा कार्यक्रम प्रस्तुत गर्दै गण्डकी प्रदेश प्रमुख सीताकुमारी पौडेलले उपलब्ध साधन र स्रोतको अधिकतम उपयोग गर्दै प्रदेशको समृद्धि र विकासका लागि अघि बढ्ने बताइन् । कोभिड–१९ को महामारीबाट सिर्जित समस्याहरूको सम्बोधन गर्नका लागि कोरोना विरुद्धको खोपको व्यवस्थापन गर्नुका साथै महामारीबाट बच्न सावधानीका लागि सचेतना, सङ्क्रमण परीक्षण, संघ र स्थानीय तहबाट गरिने कार्यक्रम सवलीकरण, समन्वय र सहयोग गरिने उनले बताइन्।

कोभिड–१९ ले पर्यटन, यातायात, कृषि उत्पादन तथा सेवा क्षेत्रमा पारेको प्रतिकूल प्रभावलाई न्यूनीकरण गर्दै उत्पादन र रोजगारी अभिवृद्धि गर्न उद्यमी तथा व्यवसायीका लागि सञ्चालित व्यवसाय जीवन रक्षा कर्जा कार्यक्रमलाई निरन्तरता दिइने उनले बताइन् ।

कोरोना सङ्क्रमितको उपचारलाई प्रभावकारी बनाउन अत्यावश्यक स्वास्थ्य उपकरण समाग्री तथा औषधिको व्यवस्था गरिने उनले बताइन्।

कोरोना सङ्क्रमणका कारण बाबुआमा गुमाएका बालबालिकालाई नगद राहतको व्यवस्थाका साथै कोरोनाका कारण जीवन गुमाएका स्वास्थ्यकर्मी, सुरक्षकर्मी लगायतका परिवारलाई नगद राहत उपलब्ध गराइने उनले बताइन् ।

एम्बुलेन्स नभएका स्थानीय तहमा लागत साझेदारीमा एक एम्बुलेन्सको व्यवस्था गरिने जानकारी दिदै उनले प्रदेशमा सञ्चालित एम्बुलेन्समा जिपिएस टयापिङमार्फत एकिकृत प्रणालीमा आवद्ध गरी सञ्चालन गरिने बताइन् । ज्येष्ठ नागरिक तथा बालबालिकालाई घरदैलोमा स्वास्थ्य सेवा प्रवाह गर्न स्थानीय तहसँग समन्वय र सहकार्य गरिने छ ।

नेपाल सरकारसँगको सहकार्यमा सङ्क्रामक तथा सरुवा रोग अस्पताल भवन निर्माण तथा अन्य स्वास्थ्य पूर्वाधार तयार गरी प्रदेश उक्त अस्पताललाई सबै प्रकारका सरुवा रोगको उपचार गर्ने नमूना अस्पताल सेन्टर अफ एक्सिलेन्सीको रुपमा विकास गरिने उनले बताइन् । प्रदेशका सबै पालिकामा मनोसामाजिक परामर्शकर्ताको व्यवस्था गरिने नीति तथा कार्यक्रममा उल्लेख छ । ब’लात्कार वा अन्य प्रकृतिका यौ’न हिं’सामा परेका बालिका तथा किशोरीलाई उनीहरूको चाहना अनुसारको व्यावसायिक शिक्षा तथा उच्च शिक्षा निःशुल्क उपलब्ध गराइने छ नीति तथा कार्यक्रममा उल्लेख छ ।

कृषि क्षेत्रको विकासका लागि उत्पादन र उत्पादकत्व वृद्धिमा जोड दिदै रैथाने तथा स्थानीय वालीको संरक्षणका साथै द’लहन, ते’लहन वालीको उत्पादनमा जोड दिइने सो नीति तथा कार्यक्रममा समावेश छ । मासुको लागि लिमे र दुग्ध उत्पादनका लागि पार्कोटे जातको भैसीको संरक्षण र प्रवद्र्धन कार्यक्रमलाई निरन्तरता दिइने छ । प्रदेशको पहिचान तथा मौलिक संस्कृतिको संरक्षण एवम् प्रवद्र्धन गर्दै प्रदेश भित्रका प्रमुख पर्यटकीय गन्तव्यमा पर्यटकीय पूर्वाधार विकासका कामलाई निरन्तरता दिइने छ ।

उत्तर दक्षिण द्रुतमार्ग कोरोला पोखरा दुम्कीवास हुँदै त्रिवेणीको निर्माण कार्यलाई निरन्तरता दिइने कार्यक्रममा समावेश छ । सांस्कृतिक तथा व्यापारिक महत्वको त्रिवेणी क्षेत्रको विकासका लागि गुरुयोजना तयार गरिने नीति तथा कार्यक्रममा उल्लेख छ । भ्रष्टाचार विरुद्ध शुन्य सहनशिलताको नीति अवलम्बन गरिने बताउँदै सरकारी सेवा प्रवाहलाई प्रभावकारी बनाइने छ ।

भानुभक्त प्राणि उद्यान र पोखरा प्राणि उद्यानबीच अन्तरसञ्जाल निर्माण गरी मानव वन्यजन्तु द्व’न्द्व न्युनीकरणमा जोड दिइने प्रदेश प्रमुख पौडेलले बताइन् । पानीको अभावमा मानव वन्यजन्तु द्व’न्द्व बढ्दै गएको अवस्थामा सामूदायिक वन उपभोक्ता समूहको सहकार्यमा कम्तीमा एक सामूदायिक वन एक पोखरी निर्माण अभियानलाई अघि बढाउने नीति तथा कार्यक्रममा उल्लेख छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -