गोरखा, सोमबार, २४ फागुन २०७७ । आज ८ मार्च अर्थात् अन्तर्राष्ट्रिय नारी दिवस । १११ औं अन्तर्राष्ट्रिय नारी दिवस नेपालमा ‘महिलाको सुरक्षा, सम्मान र रोजगार, समृद्ध नेपालको आधार’ भन्ने नारासहित विभिन्न विभिन्न कार्यक्रम गरी मनाइँदै छ ।
सोही अवसरमा गोरखाको शहिद लखन गाउँपालिका घैरुङ र रुपान्तरण नेपालका लागी प्रयासको समन्वय तथा आर्थिक सहयोगमा प्रगतिशिल वचत तथा ऋण सहकारी संस्था लि शहिद लखन गा पा वडा-७/८ बुङकोटको आयोजनामा १११ औ अन्तराष्ट्रिय महिला दिवस कार्यक्रम आयोजना गरेको छ । लैङ्गिक समानता, महिला सशक्तीकरण, महिला अधिकारको सुनिश्चिततामा जोड दिएर कार्यक्रम गरिएको थियो । नेपालको संविधानमा मौलिक हकअन्तर्गत धारा ३८ मा महिलाको हकको व्यवस्था गरेको छ ।
भगवती खनालको अध्यक्षतामा भएको उक्त कार्यक्रमको मुख्य प्रशिक्षकमा अधिवत्ता पवित्रा शर्माले महिला कानुनी अधिकार, प्राबधान हिंसा सम्बन्धि प्रशिक्षण दिनु भएको थियो । गाउँपालिका उपाध्यक्ष इन्दिरा तिवारीको प्रमुख आथित्यतामा, बिशेष अतिथीको रुपमा वडा अध्यक्ष शरण श्रेष्ठ, वडा अध्यक्ष काशिनाथ अंगाई, अतिथिको रुपमा अधिवक्ता पवित्रा शर्मा, वडा-७ र ८ का वडा सदस्य, राजनितीक दलका प्रतिनिधी, महिला समुहका अध्यक्ष, प्रतिनिधीहरु, बुदिजिवी, समाजसेवी, स्थानीय बासिन्दाहरुको उपस्थिती रहेको थियो ।









































