गोरखा, सोमबार, ५ माघ २०७७ । घरेलु तथा साना उधोग कार्यालय गोरखाको आयोजना र भिमसेन थापा गाउँपालिकाको सहकार्यमा उधमशिलता बिकास तालिम सम्पन्न भएको छ ।
युवा उधमिहरुलाई ब्यवसाय गर्दा आईपर्ने विभिन्न समस्या समाधानका गर्न, भएका स्रोत साधनको समुचित सदुपयोग कसरी गर्ने र ब्यवसायिक योजना बनाउनको लागि आईपर्ने समस्याहरुलाई समाधान गर्ने उदेश्यसहित तालिमको आयोजना गरिएको हो । उक्त उधमशिलता बिकास तालिममा ४ जना महिला र १४ जना पुरुष गरि जम्मा १८ जनाको सहभागीता रहेको गाउँपालिकाले जनाएको छ ।
तालिमको उद्घाटन तथा समापन भिमसेन थापा गाउँपालिकाका उपाध्यक्ष बिनु वाग्लेले गर्नु भएको थियो ।
उधमशिलता बिकास तालिमको समापन गर्दै गाउँपालिका उपाध्यक्ष बिनु वाग्लेले तालिम निकै उपलब्धि भएकोले सिप सिकेर एक असल ब्यवसायी र सफल उधमी बन्नका लागि सबैलाइ आग्रह गर्नुभयो । साथै, पालिका भित्र रहेका युवाहरुलाई विभिन्न ब्यवसायहरु सन्चालन गरेर सफल उधमी बनाउनका लागि आइपर्ने जुनसुकै समस्या पनि गाउँपालिका मार्फत समस्याको समाधान गर्ने प्रतिबद्दता ब्यक्त गर्नु भयो ।
भिमसेन थापा गाउँपालिका वडा ६ अश्राङमा उक्त तालिम पुस २३ गते सुरु भएर माघ ३ गते समापन गरिएको थियो ।
भिमसेन थापा गाउँपालिकाका उपाध्यक्ष बिनु वाग्लेको प्रमुख आतिथ्यतामा, वडा नम्बर ६ का वडाध्यक्ष भिम बहादुर थापा मगरको बिशेष आतिथ्यतामा, अन्य अतिथि महानुभावहरुको उपस्थितिमा कार्यक्रम समापन भएको थियो ।









































