कास्की, सोमबार, २४ कात्तिक २०७७ । पोखराको फेवातालमा डुंगा सञ्चालनमा आएसँगै पर्यटकहरुको चहलपहल पनि बढेको छ । कोरोना संक्रमणको जोखिम र लामो लकडाउनका कारण सात महिना बन्द रहेको पोखराको फेवातालमा डुंगा सञ्चालनमा आएसँगै पर्यटकहरुको चहलपहल पनि बढेको छ ।
विगत वर्षहरुमा दैनिक आठ सयभन्दा बढी आन्तरिक पर्यटकहरु घुम्न पुग्न फेवातालमा अहिले दुई सय हाराहारीमा पर्यटन आउने गरेका छन् । अहिले फेवातालमा दैनिक ३५ वटा डुंगा सञ्चालनमा छन् ।
विगतका वर्षहरु जस्तै फेवातालमा आन्तरिक तथा बाह्य पर्यटकहरु भित्र्याउन पोखराका पर्यटन व्यवसायीहरु एकजुट भएका छन् । नेपालमा कोरोनाको प्रभाव कम भएको सन्देश विश्वभर दिन सकेमा बाह्य पर्यटकहरुको आगमन बढ्ने फेवा डुंगा व्यवसायी समिति उपाध्यक्ष मंगल नेपालीले बताउनु भयो ।
गते असोज २ गतेबाट सञ्चालनको अनुमति पाए पनि सुरुवाती दिनभन्दा अहिले आन्तरिक पर्यटकहरुको चहल-पहल बढिरहेको हो ।सञ्चालनको सुरुवाती दिनमा रित्ता डुंगाहरु तैरिरहेका देख्न सकिने फेवातालमा अहिले दिनकै दुई सयभन्दा बढी पर्यटकहरु रमाउने गरेका छन् ।









































