गोरखा, शनिबार, २४ साउन २०७७ । गोरखाको गण्डकी गाउँपालिका–८ मलेओडारमा पर्ने बेनिघाट–आरुघाट सडकखण्ड पहिरोले अबरुद्ध भएको छ । शनिबार बिहान गएको पहिरोले सडक पूर्ण रुपमा अबरुद्ध भएको जिल्ला प्रहरी कार्यालय गोरखाका प्रहरी नायव उपरीक्षक बासुदेव खतिवडाले जानकारी दिनुभयो ।
बेनिघाट बजारदेखि करिब एक किलोमिटर पूर्व तर्फ माथिबाट खसेको ठूलो पहिरोले सडक अबरुद्ध भएको वडाध्यक्ष रामप्रसाद लामिछानेले जानकारी दिनुभयो । ‘पहिरो फुजेल लगायतका क्षेत्रबाट आएका र बेनिघाट हुदै उत्त सडकखण्ड भएर चल्ने सवारी साधन रोकिएका छन्, उहाँले भन्नुभयो, पहिरो हटाउनका लागि मेसिन खोज्ने काम भइरहेको छ ।’
पहिरो ठूलो भएकाले तत्काल हटाउन सक्ने सम्भावना भने नहेको वडाध्यक्ष लामिछानेको भनाई छ । ‘दिनभरी मेसिन लगाउन सकियो भने हटाउन सकिन्छ भन्नेछ, उहाँले भन्नुभयो, ‘केहीदिन अघि मात्र सोही ठाउँमा गएको पहिरो हटाइएको थियो, फेरि आज पनि पहिरो खसेछ ।’









































