पोखरा, शनिबार, १३ असार २०७७ । स्याङ्जामा आज एकैपटक ३४ जना सङ्क्रमित कोरोना जितेर घर फर्किएका छन् ।
कालिका सामुदायिक अस्पताल हेलुमा रहेका ३४ जना सङ्क्रमितको दोस्रो परीक्षण नेगेटिभ आएपछि उनीहरुलाई आज घर पठाइएको हो ।
अस्पतालमा रहेका ४१ जना सङ्क्रमितको दोस्रो परीक्षणका लागि स्वाब संकलन गरी पठाईएकोमा ७ जनाको भने दोस्रो परीक्षण पनि पोजेटिभ नै आएको छ । आज घर फर्कनेहरुमा गल्याङ नगरपालिकाका १६ जना, वालिङका १० जना, आँधीखोला गाउँपालिकाका ४ जना, अर्जुनचौपारी गाउँपालिकाका ३ जना र भीरकोट नगरपालिकाका १ जना रहेका छन् । योसँगै जिल्लामा कोरोना सङ्क्रमण मुक्त हुनेको संख्या ५६ पुगेको छ ।
जिल्लाका १ सय ५९ सङ्क्रमितमध्ये २ जनाको निधन भईसकेको छ ।









































