चितवन, ११ जेठ २०७७ । एनआरएनएद्धारा भरतपुर महानगरलाई स्वास्थ्य सामग्री हस्तान्तरण गरेको छ। चितवनको भरतपुर महानगरलाई एनआरएनएले कोरोना प्रकोपसँग लड्न स्वास्थ्य सामग्री सहयोग गरेको हो ।
एनआरएनए केन्द्रिय सचिवद्धय गौरी जोशी अमेरिका, आरके शर्मा कतार एवं सह कोषाध्यक्ष लोक दाहाल बेल्जियमद्वारा पठाईएको स्वास्थ्य सामाग्री आज हस्तान्तरण गरिएको छ ।
एनआरएनए केन्द्रिय सचिव गौरी जोशीका भाईले भरतपुर महानगरपालिका प्रमुख रेनु दाहाललाई पिपिई १०० सेट, एन ९५ माक्स ५०० थान र लेजर गन २५थानसहितका स्वास्थ्य सामाग्री हस्तान्तरण गर्नुभएको थियो ।
सही अवसरमा मेयर रेनु दाहालले एनआरएनएले गरेको सहयोग कोराना विरुद्ध लड्न ठुलो सहयोग पुग्ने विश्वास व्यक्त गर्दै यो संकटको समयमा स्वास्थ्य सामग्री प्रदान गरेकोमा धन्यवाद दिनु भयो । यसअघि जोशीले ६ हजार थान सर्जिकल माक्स र २ थान पिपिई प्रदान गरिसक्नु भएको छ ।









































