ओखलढुंगा, ६ कात्तिक २०७६ । सत्तारुढ नेपाल कम्युनिस्ट पार्टी (नेकपा) का प्रतिनिधी सभाका सांसद यज्ञराज सुनुवारले लहरे पिङको उद्घाटन गरेर आलोचित बनेका छन् ।
ओखलढुंगाको विकासका कार्यक्रममा ध्यान नदिएको भनेर आलोचना खेप्दै आएका सांसद सुनुवारले पिङ उद्घाटन गरेर रेकर्ड बनाएको भन्दै टिप्पणी भएको छ ।
नेकपाका सांसद सुनुवारले पिङ उद्घाटन गरेको तस्वीर सामाजिक सञ्जालमा भाइरल बनेको छ ।
प्रदेश सरकारका मन्त्रीहरूले दुहुनो भैँसीको समेत उद्घाटन र गाउँपालिका र नगरपालिकाका जनप्रतिनिधिहरूले पिर्कामा सलामी लिएका घटनाको आलोचना भइरहेका बेला नेकपाका सांसद सुनुवारले पिङ उद्घाटन गरेर आलोचित बनेका हुन् ।









































