Opens in a new tab
२०८३ मंसिर ६, शनिबार
७:२६:१२ बिहान
- ADVERTISEMENT -

नेपालको गर्विलो इतिहास बोकेका हरिहरपुर गढी र सिन्धुलीगढी अब पदयात्रीका लागि जोडिने

प्रकाशित मिति: २०७६ असार १२, बिहीबार

3374
Shares

घण्टे (सिन्धुली), १२ असार २०७६  । नेपालको गर्विलो इतिहास बोकेका हरिहरपुर गढी र सिन्धुलीगढी अब पदयात्रीका लागि जोडिने भएका छन् ।

दुई गढीलाई पदमार्गले जोड्दै पर्यटक तान्ने योजना बनेपछि ऐतिहासिक सम्पदाको संरक्षणसँगै पर्यटकीय गतिविधि बढ्ने भएपछि स्थानीयमा उत्साह छाएको छ ।

हुन पनि दुई गढीको इतिहास गहन छ । नेपाल–अङ्ग्रेज युद्धको जीवित किल्ला हो– सिन्धुलीगढी । कप्तान किनलक नेतृत्वको अङ्ग्रेज सेनालाई सिन्धुलीगढीमा सन् १८२४ मा हार नचखाएको भए नेपालको भूगोल के हुने थियो ? अड्कल मात्र गर्न सकिन्छ यतिबेला ।

‘एकीकरण पदमार्ग’ नाम दिइएको यस ‘भर्जिन रुट’ मा पर्यटन वर्ष २०२० मा पदयात्री लैजाने लक्ष्यसाथ नागरिक अभियन्ता, स्थानीय, प्रदेश र सङ्घीय सरकारले चासो बढाएका छन् । पहिलो चरणमा धरान–चतरा–सिन्धुली–हेटौँडा सडक (हाल मदन भण्डारी राजमार्ग नामकरण) छेउको गाउँ घण्टेबाट हरिहरपुरगढी हुँदै १५ किलोमिटर पदमार्ग निर्माण र शुभारम्भ गरिएपछि खुसी छाएको हरिहरपुरगढी गाउँपालिकाका अध्यक्ष कारसाङ लामा बताउनुहुन्छ । सिन्धुली जिल्लाको हरिहरपुरगढी गाउँपालिका–३ स्थित घण्टेबाट हरिहरपुरगढी हुँदै सिन्धुलीगढीसम्मको जम्मा ७५ किलोमिटर पदमार्ग सात दिनमा पूरा गर्न सकिने पदमार्गको अध्ययन र प्रवद्र्धन गरिरहेको समृद्ध सिन्धुली अभियानले जनाएको छ ।

सिन्धुलीगढी जयस्थिति मल्लले बनाएको इतिहासकारको मत रहेको छ । सामरिक महत्वका रूपमा रहँदै आएको सिन्धुलीगढीले नेपाली रणकौशलको इतिहासमा विशेष महìव राखेको छ ।

त्यस्तै, सिन्धुलीमा अर्को महत्वपूर्ण किल्ला छ– हरिहरपुरगढी । नेपाल एकीकरणका क्रममा पृथ्वीनारायण शाहका गोरखाली सेना र मकवानपुरका राजा दिगबन्धन सेनका सेनाबीच निर्णायक युद्ध बसेरीस्थित हरिहरपुरगढीमा भएको थियो । सिन्धुलीगढीमा गोरखाली सेनाले दपेटेपछि भागेका ब्रिटिस सेना बागमतीको किनार पछ्याउँदै पनौती ताक्ने योजनामा थिए । उनीहरूको यात्रालाई हरिहरपुरगढी किल्लामा तैनाथ गोरखालीले असफल बनाइदिएको इतिहासकारहरूले उल्लेख गरेका छन् ।

ऐतिहासिक दुई गढीलाई पदमार्गले जोड्ने अवधारणा राख्नुहुने सांसद हरिबोल गजुरेल भन्नुहुन्छ, “इतिहासको सम्मान र पर्यटन विकासका लागि नयाँ अभियान थाल्नुपर्छ । ” उहाँ थप्नुहुुन्छ, “हरिहरपुरगढी र सिन्धुलीगढीलाई पदमार्गले जोडेर पहाडी डाँडैडाँडा पर्यटनको ढोका खोल्न खोलिएको छ । ”

ऐतिहासिक, पुरातात्विक, सांस्कृतिक तथा प्राकृतिक सम्पदासँग जनताको आर्थिक र सामाजिक जीवनलाई जोड्दै पर्यटन विकासको योजना बनाउनुपर्ने जानकारहरूको छ ।

यस्तै, सोही क्षेत्रका प्रदेशसभा सदस्य बुद्धिमान माझीका अनुसार हरिहरपुरगढी वरपर रहेका उर्वर भूमिको उपयोग, ऐतिहासिक स्थलहरू, दनुवार राई जातिको भाषा, संस्कृति संरक्षणसँगै पर्यटन व्यवसायको विकास गरी जनताको जीवनस्थर उकास्न सकिन्छ । यसप्रति अबका नीति र कार्यक्रम लक्षित हुनेछन् ।

प्रदेशसभा सदस्य विनोदकुमार खड्काको मतमा ऐतिहासिक गढीलाई जोडेर पदमार्ग निर्माण गर्दा यसबीचमा रहेका ग्रामीण बस्ती, त्यहाँका भाषा, संस्कृति, प्राकृतिक सम्पदाले समेत संरक्षणको अवसर पाउने भएको छ । यस्तै, हरिहरपुरगढी गाउँपालिकाका अध्यक्ष लामा पर्यटन विकासको गुरुयोजना तयार पारेर गाउँपालिकाले पर्यटन भित्राउने योजनाले स्थानीयमा ऊर्जा छाएको बताउनुुहुन्छ । गोराखापत्र

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -