राप्ती, बुधबार, २० साउन २०७८ । राप्ती नगरपालिका वडा नम्बर ९ को नवनिर्मित वडा भवनको उद्घाटन भएको छ । नेपाली कांग्रेसका सांसद एवम पूर्व स्वास्थ्य मन्त्री गगन थापाले वडाभवनको उद्घाटन गर्नु भएको हो ।
सांसद थापालाइ नौमति बाजागाजा र नाच सहित भब्य स्वागत गरिएको थियो । उहाँले कार्यक्रममा बोल्दै शिक्षा, स्वास्थ्य र रोजगारीलाई अहिलेको सरकारले प्राथमिकता दिने बताउनु भयो । थापाले नवनिर्मित वडा भवनबाट छिटो छरितो र पारदर्शी तरिकाले सेवा प्रदान गर्न सकिने कुरामा विश्वास व्यक्त गर्नु भयो ।
कार्यक्रममा काँग्रेस नेता, राप्ती नगरका मेयरका प्रत्यासी एवम अन्डा संघका केन्द्रिय उपाध्यक्ष किरण भूषण ओलीले शुभकामना मन्तव्य राख्नुभएको थियो । उहाँले पूर्ण सरकारी कार्यक्रम हुदा मेयरको उपस्थिती नहुदा आफुहरुलाई अचम्म लागेको बताउनुभयो । पार्टी भन्दा पनि माथि उठेर हेर्न र कुनै पार्टिगत दुश्मनी नलिन सुझाव दिनुभयो ।
कार्यक्रममा वडाभवन बनाउन जग्गा उपलब्ध गराउनु हुने कृष्ण राम थपलिया र उहाको परिवारलाई सम्मान गरिएको थियो । उहाँले वडा भवन बनाउनको लागि तीन कठ्ठा जग्गा दान गर्नु भएको थियो ।
कार्यक्रमका सभाध्यक्ष एवम वडाका अध्यक्ष देबेन्द्र लामाले वडाको आफ्नै भवन हुदा सेवाग्राहीलाई सेवा छिटो दिन सकिने विश्वास दिलाउनुभयो । नगरपालिकाको मेयरको हामिहरुलाइ हेर्ने दृष्टिकोण फरक भएको, पार्टिगत हिसाबले हेरेको बताउनुभयो । उहाँले बिशुद्ध सरकारी कार्यक्रममा उहाको उपस्थिती नहुदा लज्जास्पद भएको र अवका दिनमा नगरबासिले मेयरलाइ हेर्ने दृष्टिकोण फरक हुने बताउनुभयो ।
कार्यक्रमको बिषयमा राप्ती नगरपालिकाको काँग्रेस नगर सभापति लगायत केहि व्यक्तिहरुलाइ जानकारी नरहेको भन्दै अनुपस्थिती जनाएका थिए । नगर सचिव महेश्वर थपलियाले भन्नु भयो “माननिय आउने कुरा फेसवुकमा सुनियो तर औपचारिक जानकारी भने भएन , यहिकारण कार्यक्रममा नगएको हो ”
वडा भवनको उद्घाटन समारोहमा वडाका जनप्रतिनिधि, विभिन्न संघसस्थाका प्रतिनिधि, नेपाली काङ्ग्रेसका नेता, स्थानिय समाजसेवी, ब्यबसायी लगायत स्थानियको उपस्थिती रहेको थियो ।









































