बुर्तिबाङ, ३१ बैशाख २०७८ । नेपाली काँग्रेसका युवा नेता जित शेरचनको सक्रियतामा बुर्तिबाङ क्षेत्रका ४३ जनाको शुक्रबार पिसिआर स्वाव संकलन गरिएको छ ।
स्थानीय सरकारले अहिले जटिल परिस्थीतिमा समेत स्वास्थ्य क्षेत्रमा चासो नदेखाएका कारण आफुहरु नागरिकको स्वास्थ्य सुरक्षा र जीवन रक्षामा अगाडी सरेको बताउनु भयो ।
कोरोना भाइरससँग मिल्दो जुल्दो लक्षण भएका धेरै बिरामी बुर्तिबाङ बजार क्षेत्रमा रहेको र स्थानीय सरकारले पिसीआर गर्न चासो नदेखाएपछी नेता शेरचनको सक्रियतामा परीक्षण सुरु गर्नु भएको हो ।
नेता शेरचनले बुर्तिबाङ प्राथमिक स्वास्थ्य केन्द्रमा कोभिडका बिरामीलाई मध्यनजर गर्दै आइसोलेशन व्यवस्थापन गर्ने गरी स्वदेश विदेशबाट आथिर्क संकलन अभियान सुरु भएको बताउनु भयो । साथै, क्यानडामा रहेका नेपालीहरुको संस्था नेपली हेरिटज च्यारेटी फाउन्डेशन क्यानडाद्वारा आर्थिक संकलन भइरहेको बताउनु भयो ।









































