काठमाडौँ, आइतबार, ९ फागुन २०७७ । नुवाकोटमा रेडपाण्डा फेला परेको छ ।

नुवाकोटको दुप्चेश्वर गाउँपालिका वडा नं १ घ्यांगफेदी, घांगडाडामा उक्त रेडपाण्डा फेला परेको वडा अध्यक्ष सुन बहादुर तामाङ्गले जानकारी दिनु भयो ।

केहि दिन अगाडी घ्यांगफेदिको मुलथलाको वनमा आगलागी भएपछि दुर्लभ जीव रेडपाण्डा सोही जंगलबाट भागेर घ्यांगफेदी खोलामा वग्दै गरेको हुन सक्ने आशंका स्थानीय बासिन्दाले गरेका छन ।
सो रेडपाण्डा स्थानीय बासिन्दा ललितमान तामाङ्ग र मानबहादुर तामाङ्ग वन तिर जाने क्रममा फेला पारेका थिए ।









































