गोरखा, बुधबार, १७ असार २०७७ । गोरखाको वारपाक सुलिकोट गाउँपालिका अन्तर्गतका सबै कार्यालय बन्द गर्ने निर्णय गरिएको छ ।
गाउँपालिकाको स्वास्थ्य शाखामा कार्यरत एक जना कर्मचारीमा कोरोना संक्रमण देखिएसंगै एक हप्ताका लागि गाउँपालिका अन्तर्गतका सबै कार्यालय बन्द गर्ने निर्णय भएको अध्यक्ष विष्णु भट्टले जानकारी दिनुभयो ।
सूर्यज्याती मा वि को क्वारेन्टिनमा रहेका ब्यक्तिमा संक्रमण देखिएसंगै उहाँको सम्पर्कमा पुगेकाहरुको कन्ट्र¥याक्ट ट्रेसिङ गर्दा आज स्वास्थ्य शाखाका कर्मचारी सहित अर्का एक जनामा कोरोना पुष्टि भएको गाउँपालिकाले जनाएको छ ।
गाउँपालिकाले एक प्रेस बिज्ञप्ति जारी गर्दै स्वास्थ्य चौकी बाहेक सम्पूर्ण कार्यालय आगामी असार २१ गतेसम्मका लागि बन्द गरी कन्ट्र¥याक्ट ट्रेसिङको प्रकृया सुरु गर्ने जनाएको हो ।









































