गोरखा, ४ बैशाख २०७७ । गोरखाको पालुङटार नगरपालिकामा ४१ जनाको एण्टिबडी परीक्षण गरिएको छ ।
विदेशबाट आएका ४१ जनाको र्यापिड डाइग्नोस्टिक टेस्ट(आरडिटी) प्रविधिबाट एण्टिबडी परीक्षण गरिएको नगरपालिकाले जनाएको छ ।
स्वास्थ्य कार्यालय गोरखा र स्थानीय स्वास्थ्य शाखाको सहकार्यमा दुई ठाउँमा शिविर बनाई उनीहरुको एण्टिबडी परीक्षण गरिएको हो ।
नगरपालिकाको वडा नं. ५ ठाँटीपोखरीमा २३ जनाको र वडा नं. ७ खत्रीटारमा १७ जनाको एण्टिबडी परीक्षण गरिएको स्वास्थ्य कार्यालयका कोरोना फोकल पर्सन नारायण अर्यालले जानकारी दिनुभयो ।
जसमध्ये ३९ जनाको रिपोर्ट सामान्य रहेको छ भने दुई जनाको थप परीक्षण गर्न पोखरा पठाइएको उहाँले बताउनु भयो ।









































