गोरखा, गोरखाको दुल्लभ मा वि को स्वर्ण महोत्सव सम्पन्न भएको छ । दुल्लभ माध्यमिक विद्यालय भिमसेन थापा गाउपालिका १ घ्याम्पेसाल गोरखाको स्वर्ण महोत्सव सभ्य र भब्य रुपमा उद्घाटन गरिएको छ । विद्यालय व्यबस्थापन समितिका अध्यक्ष कृष्ण बहादुर बाँनियाको अध्यक्षता रहेको कार्यक्रममा पूर्व राष्ट्रपति डा रामबरण यादवको प्रमुख आतिथ्यता रहेको थियो ।
चार दिवसीय स्वर्ण महोत्सव कार्यक्रमको बिहिबार समुद्घाटन गरिएको हो । कार्यक्रमका प्रमुख अतिथि समेत रहनुभएका पूर्व राष्ट्रपति डा रामबरण यादवबाट दुल्लभ माध्यमिक विद्यालयका संस्थापक एवं संरक्षक स्वर्गीय यद्धु प्रसाद भट्टको सम्झना गर्दै प्रमुख अतिथिबाट गोरखा जिल्लामा २०७५ सालकोएस इ इ परीक्षामा सबैभन्दा धेरै जि पि ए ल्याउने छात्र र छात्रालाई सम्मान गर्नुभएको थियो ।
शिक्षक भिमसेन काजी बानियाले सञ्चालन गर्नुभएको कार्यक्रममा विद्यालयका प्रधानाध्यापक शिव प्रसाद भट्टले स्वागत मन्तव्य राख्नुभएको थियो ।
विद्यालयलाई २४ रोपनी जग्गा दान गर्ने जग्गादाता स्वर्गीय दिप बहादुर बाँनियाको अर्धकदको शालिक अनावरण गरी विद्यालयको स्वर्ण महोत्सव कार्यक्रमको समुद्घाटन गर्नु भएको थियो । साथै विद्यालयकाे स्वर्ण जयन्तीको अवसरमा स्मारिका र यदु भट्टको पानाहरु भन्ने पुस्तक विमोचन गरिएको थियो ।
उक्त कार्यक्रममा स्थानीय झाँकी, लाखे नाच, चुट्का, भजन, पञ्चेबाजा सहित ¥याली निकालिएको थियो भने लोकदोहोरी गायीका राधिका हमाल, बबिता बाँनीया (जेरी), हाँस्यकलाकार मनोज गजुरेलको वेजोड साङ्गीतिक प्रस्तुति रहेको थियो ।
नेपाली काङग्रेसका महामन्त्री शसांक कोइराला, केन्द्रीय सदस्य मिनेन्द्र रिजालको विशेष आतिथ्यता रहेको कार्यक्रममा निर्वाचित जनप्रतिनिधिहरु, विभिन्न संघ÷संस्थाका प्रमुख तथा प्रतिनिधिहरु, विभिन्न पार्टीका प्रमुख तथा प्रतिनिधिहरु, सुरक्षाकर्मीहरु, विद्यालयका प्रधानाध्यापकहरु, विद्यालय व्यवस्थापन समितिका अध्यक्षहरु, शिक्षक, विद्यार्थी लगायत पत्रकारहरुको सहभागिता रहेको स्वर्ण महोत्सव माघ ५ गते सम्म सञ्चालन हुनेछ ।









































