गोरखा, २७ पौष २०७६ । गोरखामा आज भब्य रुपमा पृथ्वीजयन्ती मनाइएको छ । गोरखाको भिमसेन थापा गाउपालिकाको आयोजनामा २९८ औँ पृथ्वीजयन्ती भब्य रुपमा मनाइएको छ ।
भिमसेन थापा गाउपालिकादेखि घ्याम्पेसालसम्म बिभिन्न जाति, धर्म, भेषभुषासहित झाँकीसहित स्थानियबासीको सक्रियतामा ¥यालीको आयोजना गरिएको थियो ।
भिमसेन थापा गाउपालिकाका अध्यक्ष ईश्वर पाण्डे, उपप्रमुख बिनु वाग्ले, प्रमुख प्रशासकीय अधिकृत कृष्ण थापा, वडा अध्यक्षहरु, कर्मचारी, स्थानीय बासिन्दा लगायत अन्य महानुभाबहरुको बाक्लो उपस्थिति रहेको थियो ।
- ADVERTISEMENT -
आधुनिक नेपालका राष्ट्रनिर्माता तत्कालिन राजा पृथ्वीनारायण शाहको योगदानलाई उच्च कदर गर्दै स्थानीय सरकारको तर्फबाट राष्ट्रिय एकता दिवस र पृथ्वी जयन्तीलाई भव्यताका साथ मनाउन भिमसेन थापा गाउपालिकाले सार्वजनिकको बिदा दिएको थियो ।
तत्कालिन राजा पृथ्वीनारायण शाहले गोरखाबाट नेतृत्व गर्दै देशभरका बाइसे र चौबीसे राज्यहरुलाई एकीकृत गरी आधुनिक नेपालको जग बसाल्नु महत्वपुर्ण भुमिका निर्वाह गर्नु भएको स्मरण गर्नु हुदै नेपाल एकिकरण थालनी भएको गौरवपूर्ण इतिहासलाई भुल्न नहुने गाउपालिकाका अध्यक्ष ईश्वर पाण्डे बताउनु भयो ।
त्यसक्रममा कार्यक्रमका सहभागीहरूले पृथ्वीनारायण शाहले नेपाल एकीकरण गरेको योगदानको खुलेर प्रशंसा गर्नु भएको थियो ।
