गोरखा, २०७६ साल बैशाख ३१ गते मंगलबार । सिरानचोक गाउँपालिका वडा नं ७ मा रहेको दलित बस्तीमा फाेहाेर व्यवस्थापन गर्न सहजीकरण स्वरुप डस्विन वितरण गरिएको छ । आर्थिक बर्ष २०७५\०७६ बाट बिनियाेजित रकमबाट दलित लक्षित कार्यक्रम अन्तर्गत दलित बस्तीमा डस्विन वितरण गरिएको थियो ।
घरबाट निस्कने फोहर, घरमा नै व्यवस्थापन गर्न सजिलो होस् भनी सबैलाई सजिलोको लागि डस्विन वितरण गरिएको वडा अध्यक्ष सुरज ढकालले जानकारी दिनुभयो । साथै २०७५\०७६ बाट बिनियाेजित रकमबाट खहरेदेखि भालुस्वारा, केराघारी, अर्कुलसम्म सम्पूर्ण बस्तीमा सरसफाई अभियान सहित डस्विन वितरण गरिने आगामी चरणको कार्यक्रम रहेको उहाले जानकारी दिनुभयो
उक्त कार्यक्रममा श्रीनाथकोट दलित सेवा समितिका सल्लाहकार संयोजक अनिल बि.क ,अध्यक्ष रन बहादुर बसेल , उपाध्यक्ष राम्जी परियार , दलित महिला वडा सदस्य पुर्णेमाया नेपाली र वडा अध्यक्ष सुरज ढकालले मन्तब्य राख्नु भएको थियो ।
दलित चेतनामूलक तथा सर- सफाइ कार्यक्रम अन्तर्गत वडा अध्यक्ष सुरज ढकालको प्रमुख आथित्यतामा उक्त कार्यक्रम सम्पन्न भएको थियो ।









































