सिमरा, फागुन ८ । पूर्वप्रधानमन्त्री एवं नेपाली कांग्रेसका सभापति शेरबहादुरलाई बाराको सिमरामा नगर सभापतिले १५१ किलोको मालाले स्वागत र सम्मान गरिएको छ ।
बुधबार बिहान सिमरा आइपुगेका सभापति देउवालाई जितपुरसिमरा उपमहानगरपालिकाकाको पार्टी कार्यालयमा कांग्रेस नगर सभापति श्यामबाबु गुप्ताले माला लगाएर स्वागत गरेका हुन् ।
नेपाली कांग्रेसका नेता एवं पूर्वसांसद अनिल रुंगटाको लगानीमा वीरगञ्जमा सञ्चालन भइरहेको होटल उद्घाटनका लागि आएका देउवाले यहाँ आयोजित कार्यक्रममा पत्रकारहरुसँग कुरा भने गरेनन् ।
पार्टी सभापती देउवालाई सिमरा बिमानस्थलमा स्वागतका लागि कलैया उपमहानगर र निजगढ नपाका मेयरसहित महासमिति सदस्य लुकेश सिँह, बारा र पर्साका काँग्रेस कार्यकर्ताको बाक्लो उपस्थिती थियो ।
कार्यकर्ताको ठूलो भीडले विमानस्थलबाट स्वागत गर्दै देउवालाई पार्टी कार्यालयसम्म पुगाएका थिए । पत्रकारहरुसँग कुरा नगरी देउवाले नबोल्ने संंकेतले हात हल्लाएका थिए ।
